بۇگىن الماتىدا قالا اكىمى باۋىرجان بايبەكتىڭ توراعالىعىمەن قالالىق اكتيۆتىڭ وتىرىسى ءوتتى. جيىن بارىسىندا «قازاقستان جاڭا جاھاندىق ناقتى احۋالدا: ءوسىم، رەفورما، دامۋ» جاڭا جولداۋى تالقىلاندى. بۇل تۋرالى «قامشى» پورتالى قازاقپاراتقا سىلتەمە جاساپ حابارلايدى.

قالا اكىمى بيۋدجەتتىڭ وڭتايلاندىرىلۋىنا بايلانىستى قالادا جۇزەگە اسىرىاتىن جوبالاردى تىلگە تيەك ەتتى. اكىمنىڭ ايتۋنىشا، كەلەر جىلى الەۋمەتىك نىساندار مەكتەپ، اۋرۋحانا، بالاباقشانىڭ قۇرىلىسىنا مەملەكەتتىك ينۆەستيسيا كولەمى 70 ملرد تەڭگەگە ازايادى. 

«الايدا، ءبىز 75 ملرد تەڭگە جەكە ينۆەستيسيالار تارتۋدى كوزدەپ وتىرمىز. 25 ملرد تەڭگە سوماسىنا بيزنەسپەن كەلىسىمگە وتىردىق. بۇل مەمەلكەتتىڭ اقشاسى ەمەس، بيزنەستىڭ الەۋمەتتىك جاۋاپكەرشىلىگى»، - دەدى اكىم.
قالا باسشىسىنىڭ ايتۋىنشا، كەلەر جىلى قالادا 14 بالاباقشا بوي كوتەرەدى. ولاردىڭ كوپشىلىگى ناۋرىزباي، الاتاۋ اۋداندارىندا سالىنادى. سونداي-اق، 3 مەكتەپ، سپورت الاڭى، ەمحانا تۇرعىزىلماق. 

باۋىرجان بايبەك جاقىندا مەملەكەت باسشىسى كورگەن № 125 بالاباقشانى دا اتاپ ءوتتى. اتالعان الەۋمەتتىك نىسان بار جوعى 3 ايدا سالىنىپ بىتكەن. 

«وسىنشا قىسقا ۋاقىت ىشىندە بارلىق نورمالارعا سايكەس عيمارات سالىنادى دەگەنگە سەنبەپ ەدىم. ءبىزدىڭ مىندەت - ولارعا جۇمىس تاۋىپ بەرۋ»، - دەدى ب.بايبەك.