ق ر ۇلتتىق ۇلانى «وڭتۇستىك» وڭىرلىك قولباسشىلىعىنا قاراستى اسكەري بولىمدەر اراسىندا «ۇزدىك باتالون كومانديرى»، «باتالون كومانديرىنىڭ ۇزدىك ورىنباسارى»، «باتالوننىڭ ۇزدىك شتاب باستىعى» اتتى بايقاۋ-سايىسىنىڭ ەكىنشى كەزەڭى اياقتالدى، - دەپ حابارلايدى «قامشى» پورتالى قولباسشىلىقتىڭ باسپا ءسوز قىزمەتىنە سىلتەمە جاساپ.
جاۋىنگەرلىك-قىزمەتتىك مىندەتتەرىنىڭ ساپاسىن كوتەرىپ، ونى ودان ءارى جەتىلدىرۋ، ۇلتتىق ۇلان وفيسەرلەرىنىڭ كومانديرلىك دايارلىقتارىنىڭ دەڭگەيىن جوعارىلاتۋ جانە باتالون بۋىنىنداعى لاۋازىمدى تۇلعالاردىڭ وزدەرىنىڭ كاسىپتىك شەبەرلىكتەرى مەن وزىق تاجىريبەلەرىمەن ماقساتىندا ۇستىمىزدەگى جىلدىڭ 3-5 جەلتوقسانى ارالىعىندا 5571 اسكەري ءبولىمىنىڭ بازاسىندا «وڭتۇستىك» وڭىرلىك قولباسشىلىعىنا قاراستى اسكەري بولىمدەر اراسىندا «ۇزدىك باتالون كومانديرى»، «باتالون كومانديرىنىڭ ۇزدىك ورىنباسارى»، «باتالوننىڭ ۇزدىك شتاب باستىعى» اتتى بايقاۋ-سايىسىنىڭ ەكىنشى كەزەڭى اياقتالدى. جامبىل، الماتى، قىزىلوردا، وڭتۇستىك قازاقستان وبلىستارىنان ات تەرلەتىپ كەلگەن ولار مەملەكەتتىك-قۇقىقتىق دايىندىق، قىزمەتتىك-جاۋىنگەرلىك قولدانۋ تاكتيكاسى، ق ر قك باسقا دا اسكەرلەرى مەن اسكەري قۇرامالارىنىڭ جالپى اسكەري جارعىسىن بىلۋدەن ب ا ق سىناستى. سونداي-اق، سايىسقا قاتىسۋشىلار دەنە دايىندىعى، ياعني 100 مەترگە جۇگىرۋ، بەلتەمىردە تارتىلۋ، 3 شاقىرىم قاشىقتىققا جۇگىرۋ سىندى نورماتيۆتەردەن سىناق تاپسىردى. سونداي-اق، ەكىنشى كۇنى ماكاروۆ تاپانشاسىنان اتىس جاتتىعۋىن ورىنداۋ سايىسىنان قۇرالايدى كوزگە اتقان ۇلاندىقتار جارىستى قورىتىندىلادى.
بايقاۋ-سايىس ناتيجەسىنىڭ قورىتىندىسى بويىنشا جەڭىمپازدار 5571 اسكەري ءبولىمىنىڭ كلۋبىندا ماراپاتتالدى. «ۇزدىك باتالون كومانديرى» بولىپ - كۇرمەت زاريپوۆ تانىلسا، «باتالوننىڭ ۇزدىك شتاب باستىعى» اتاعىن كيريلل پوليانسكيي جەڭىپ الدى. ال، تالىمگەرلەردىڭ اراسىنداعى «باتالون كومانديرىنىڭ تاربيە جانە الەۋمەتتىك-قۇقىقتىق جۇمىستارى جونىندەگى ۇزدىك ورىنباسارى» اتاعىنا سالامات ءامىرحانوۆ قول جەتكىزدى.
«جىگىتتە دە جىگىت بار، ازاماتى ءبىر بولەك. جىلقىدا دا جىلقى بار، قازاناتى ءبىر بولەك»، -دەمەكشى، ارامىزدا ەل سۇيسىنەر ىسىمەن كوپكە ۇلگى بولىپ جۇرگەن اق ماڭدايلى ازاماتتارىمىزۇلتتىق ۇلان قاتارىندا بارشىلىق. ولار اتقارعان قىزمەتىمەن، توككەن تەرلەرىمەن وتانعا ادالدىق تانىتىپ كەلەدى. ءبىر تىلەرىمىز، كوك اسپانىمىزعا بۇلت ۇيىرىلمەي، ولار جيناعان تاجىربيەسىن تەك بەيبىت كۇندەرى وسىنداي سايىستاردا عانا قولدانسىن» دەلىنگەن باسپا ءسوز قىزمەتى تاراتقان حابارلامادا.
