ع.مۇسىرەپوۆ اتىنداعى اكادەميالىق جاسوسپىرىمدەر مەن بالالار تەاترى كورەرمەندەر مەن 1986 جىلعى جەلتوقسان وقيعاسىنىڭ قاتىسۋشىلارىنىڭ كەزدەسۋىن وتكىزبەك، - دەپ حابارلايدى «قامشى» پورتالى تەاتردىڭ باسپا ءسوز قىزمەتىنە سىلتەمە جاساپ.
«1986 جىل 16 جەلتوقسان – ەرلىك پەن ورلىك، قايعى مەن قاسىرەت ميداي ارالاسقان قارالى دا، قاسىرەتتى كۇن ەدى. سول قارالى وقيعا قازاقتىڭ قابىرعاسىن قايىستىرىپ، جۇرەگىن سىزداتىپ، باتىرلارىمىزدان قول ءۇزىپ قالعانىمىزبەن، سان عاسىر ارمانداعان تاۋەلسىزدىككە قول جەتكىزدىك» دەلىنگەن باسپا ءسوز قىزمەتى تاراتقان حابارلامادا.
كەزدەسۋگە رەسپۋبليكالىق «جەلتوقسان-86» تاۋەلسىزدىك قىراندارى» حالىق قاھارماندارى قوزعالىسى ءتورايىمى –گۇلباھرام ءجۇنىس، «جەلتوقسان-86» رەسپۋبليكالىق تاۋەلسىزدىك كۇرەسكەرى – ءۇسىپحان سەيتىمبەت، «جەلتوقسان-86» رەسپۋبليكالىق تاۋەلسىزدىك كۇرەسكەرى – باقىتجان تۇردالييەۆا كەلىپ، تاۋەلسىزدىك پەن ەلدىك، ەگەمەندىك جايلى سۇبەلى سۇحبات بولماق.
كەزدەسۋ تەاتر ارتىستەرى ساحنالايتىن «جەلتوقسان جەلى» قويىلىمىمەن قورىتىندىلانباق.
