بۇگىن ۇكىمەت وتىرىسىندا 2016-2018 جىلدارعا ارنالعان ەكونوميكالىق جانە الەۋمەتتىك تۇراقتىلىقتى قامتاماسىز ەتۋ بويىنشا داعدارىسقا قارسى جوسپارى قابىلداندى، - دەپ حابارلايدى «قامشى» پورتالى قازاقپاراتقا سىلتەمە جاساپ.

«مەنىڭ ويىمشا، بۇگىن ءبىز مەملەكەت باسشىسىنىڭ تاپسىرمالارىن ورىنداۋ شارالارى جوسپارىنا جانە داعدارىسقا قارسى جوسپارعا قاتىستى بارلىق ماسەلەلەردى ايتارلىقتاي تىڭعىلىقتى تالقىلادىق. شىن مانىندە بۇل ءبىر قۇجات. اتاپ ايتقاندا، ول الدىمىزدا تۇرعان سىن-قاتەرلەرگە جاۋاپ بەرەدى»، - دەدى ق ر پرەمەر-مينيسترى كارىم ءماسىموۆ.

وسى جوسپار بويىنشا ق ر ۇلتتىق ەكونوميكا ءمينيسترى ەربولات دوسايەۆ بايانداما جاسادى.

«قازاقستان رەسپۋبليكاسىنىڭ پرەزيدەنتى ن.ءا.نازاربايەۆتىڭ 2015 جىلعى 30 قاراشاداعى «قازاقستان جاڭا جاھاندىق ناقتى احۋالدا: ءوسۋ، رەفورمالار، دامۋ» اتتى قازاقستان حالقىنا جولداۋىن ىسكە اسىرۋ ماقساتىندا ءسىزدىڭ قاراۋىڭىزعا جالپىۇلتتىق ءىس-شارالار جوسپارىنىڭ (جالپىۇلتتىق جوسپارى) جانە ۇكىمەت پەن ۇلتتىق بانكتىڭ ەكونوميكالىق جانە الەۋمەتتىك تۇراقتىلىقتى قامتاماسىز ەتۋ جونىندەگى 2016-2018 جىلدارعا ارنالعان داعدارىسقا قارسى ءىس-قيمىل جوسپارىنىڭ (بۇدان ءارى - داعدارىسقا قارسى جوسپار) جوبالارى ەنگىزىلەدى»،- دەدى ە.دوسايەۆ.

جالپىۇلتتىق جوسپار مەملەكەت باسشىسى اتاپ وتكەن 10 جىلعا ارنالعان نىسانالى ينديكاتورلاردى جانە 5 باعىت بويىنشا 39 ءىس-شارانى قامتيدى. جالپىۇلتتىق جوسپاردى ىسكە اسىرۋدا ازىرلەنگەن داعدارىسقا قارسى جوسپار مەملەكەت باسشىسى 2015 جىلعى 30 قاراشاداعى جولداۋىندا بەرگەن جوعارىدا اتالعان 5 نەگىزگى باعىتقا سايكەس بارلىق تاپسىرمالاردى قامتيدى.

داعدارىسقا قارسى جوسپار «100 ناقتى قادام» ۇلت جوسپارى شەڭبەرىندەگى رەفورمالاردى تەرەڭدەتۋ جونىندەگى، مەملەكەت باسشىسىنىڭ 2015 جىلعى 18 قاراشاداعى ۇكىمەتتىڭ كەڭەيتىلگەن وتىرىسىندا بەرگەن تاپسىرمالارىن ورىنداۋ جونىندەگى شارالاردى، 2015-2016 جىلدارعا ارنالعان جەدەل شارالار مەن «ەرەكشە كەزەڭ»، سونداي-اق ەكونوميكانى دوللارسىزداندىرۋ جوسپارلارىنىڭ وتپەلى ءىس-شارلارىن قامتيدى.

داعدارىسقا قارسى جوسپار 2 بولىمنەن تۇرادى، ياعني مەملەكەت باسشىسى 2015 جىلعى 30 قاراشاداعى قازاقستان حالقىنا جولداۋىندا ايقىنداعان 5 نەگىزگى باسىمدىق شەڭبەرىندە جاڭا قۇرىلىمدىق ەكونوميكانى قالىپتاستىرۋ، ال ەكىنشىسى - ەكونوميكانىڭ ءوسۋىن جانە وعان كرەديت بەرۋدى ىنتالاندىرۋ بويىنشا جەدەل شارالار قامتىلعان.

وسى ورايدا قارجى سەكتورىن تۇراقتاندىرۋ، بيۋدجەت ساياساتىن وڭتايلاندىرۋ، جەكەشەلەندىرۋ جانە ەكونوميكالىق باسەكەلەستىكتى ىنتالاندىرۋ، جاڭا ينۆەستيسيالىق ساساتتىڭ نەگىزدەرى، جاڭا الەۋمەتتىك ساياسات جانە باسقا دا نەگىزگى قادامدار ەسكەرىلگەن.