تاجىكستاندا «ۇلتتىق سيپاتى بار» ەسىمدەر ءتىزىمى ازىرلەنۋدە. ەندى اتا-انالار جاڭا تۋىلعان سابيلەرىنە وسىنداي ەسىم قويۋلارى كەرەك، - دەپ حابارلايدى «قامشى» پورتالى «نۇر استانا» مەشىتى سايتىنا سىلتەمە جاساپ.
اتالعان تىزىمدە 3 مىڭعا جۋىق تاجىك ەسىمدەرى بار. حالىق بۇل تالاپتى ورىنداۋعا ازاماتتىق جاعدايدى مەملەكەتتىك تىركەۋ اكتىلەرى تۋرالى زاڭ جوباسى ماقۇلدانعاننان كەيىن كوشەدى.
قازىرگى ۋاقىتتا جاڭا تۋعان سابيلەردى تىركەۋ كەزىندە احاج قىزمەتكەرلەرى اتا-انالارعا ۇلتتىق ەسىمدەر بروشيۋراسىن ۇسىنۋدا. ازىرگە ۇسىنىس رەتىندە قولدانىسقا ەنگەن باستاما زاڭ جوباسىنا قول قويىلعان كۇننەن باستاپ ءوز كۇشىنە يە بولادى.
