استانادا ەسىل وزەنىنىڭ سول جاعالاۋىندا سۋ قۇبىرلارىنىڭ جارىلۋىنا بايلانىستى بىرنەشە كوشەنى سۋ باسىپ قالدى، - دەپ حابارلايدى «قامشى» پورتالى Tengrinews.kz – كە سىلتەمە جاساپ.
اپات استاناداعى ساۋران جانە سىعاناق كوشەلەرىنىڭ قيىلىسقان تۇسىندا ورىن العان. ساناۋلى مينۋت ىشىندە تاسىڭان سۋ اۆتوكولىك جولدارىن باسىپ، كولىك قوزعالىسىن قيىنداتىپ جىبەرگەن.
«ساۋران-سىعاناق كوشەلەرىنىڭ قيىلىسىندا ديامەترى 800 مم بولاتىن سۋ قۇبىرى جارىلدى. ءقازىر اپات ورنىندا قۇتقارۋ-ديسپەچەرلىك قىزمەتى جۇمىس ىستەۋدە جانە اقاۋ سيپاتىن انىقتاۋ ءۇشىن قۇبىرداعى سۋ توقتاتىلدى» دەيدى «استانا سۋ ارناسى» كاسىپورنى تاراتقان حابارلامادا.
