الماتىداعى قىسقى ۋنيۆەرسيادا بولاشاقتا وتەتىن ۋنيۆەرسيادالارعا ۇلگى بولادى. قازاقستانعا ىس-ساپارمەن كەلگەن FISU حالىقارالىق ستۋدەنتتەر سپورتى فەدەراسياسىنىڭ وكىلدەرىنىڭ ويى وسى.  بۇل تۋرالى «قامشى» پورتالى حابارلايدى.

ولار 2017 جىلعى قىسقى ۋنيۆەرسيادانىڭ دايىندىعىمەن تانىستى.  «ءبىز بۇل وقيعانى ءبىراز جىلدان بەرى كۇتىپ ءجۇرمىز.الماتىعا 2011 جىلى ۋنيۆەرسيادا وتكىزۋ قۇقىعىن بەرگەن كەزدەن باستاپ. ءبىز الماتىدا وتەتىن ۋنيۆەرسيادا بولاشاقتا باسقا ۋنيۆەرسيادالارعا ۇلگى بولادى دەگەن ويدامىز"، - دەدى  FISU باس حاتشىسى ەريك سەينتروند پرەمەر-مينيستردىڭ ورىنباسارى داريعا نازاربايەۆا، الماتى قالاسىنىڭ اكىمى باۋىرجان بايبەكپەن كەزدەسۋىندە.

«ۇيىمداستىرۋ كوميتەتىنىڭ جەتەكشىسى داريعا نازاربايەۆمەن كەزدەسۋىمىزدە بىزدەر ەڭ وزەكتى ماسەلەلەردى تالقىلادىق. ۆيسە-پرەمەر ءوز تاراپىنان ۋنيۆەرسياداعا ىقىلاس تانىتىپ،  قولداپ جاتقانى قۋانتادى"،- دەدى ەريك سەينتروند. FISU وكىلدەرى  الماتى قالاسىنىڭ اكىمىمەن كەزدەسۋىندە ينفورماسيالىق تەحنولوگيالار مەن تەلە ونىمدەر جايلى ماسەلەلەردى تالقىلادى.

سونلاي-اق، «الماتى اكىمشىلىگىنە قاراستى ديرەكسيادا جالىندى جاستاردان قۇرالعان مىقتى  توپ قالىپتاسىپتى. ولارمەن جۇمىس ىستەۋگە قۇلشىنىپ وتىرمىز  ءبىز بىرلەسىپ،  ۇلكەن قارقىندا جۇمىس ىستەگەنىمىز ابزال. ويتكەنى جارىسقا دەيىن ءبىر جىلدان استام ۋاقىت قانا قالدى»، - دەدى ول.

ەستەرىڭىزگە سالا كەتەيىك الماتىداعى ۋنيۆەرسيادا ويىندارى 2017 جىلدىڭ 28 قاڭتارى مەن 8ء-شى اقپان ارالىعىندا وتەدى.