ءال-فارابي اتىنداعى قازاق ۇلتتىق  ۋنيۆەرسيتەتىنىڭ بىرنەشە جىلدان بەرى  قولعا الىنعان اۋقىمدى ءىس-شارالاردىڭ ءبىرى «اينالاڭدى نۇرلاندىر» اكسياسىنىڭ شەڭبەرى ۋاقىت وتكەن سايىن كەڭىنەن قۇلاش جايۋدا.

«اينالاڭدى نۇرلاندىر» – اينالاڭا قامقورلىق تانىتىپ، ىزگىلىك ءدانىن سەبۋ، جارقىن دا نۇرلى ومىرگە جول باستاۋ دەگەن ۇعىم.  قوعامىمىزدىڭ ءار مۇشەسى جەكە تۇلعا دەيتىن بولساق، ءار ادام ءوزىنىڭ ءال- فارابي بابامىز جازىپ كەتكەن « قايىرىمدى قالا»، ياعني قايىرىمدى ءھام وركەنيەتتى قوعامعا قول جەتكىزۋ ءۇشىن، ءونىڭاربىر تولىققاندى مۇشەسى ءوزىنىڭ ومىردە جۇكتەلگەن مىندەتتەرىن  ۇلكەن جاۋاپكەرشىلىكپەن اتقارۋ كەرەك. بۇل تۋراسىندا ۋنيۆەرسيتەتىمىزدىڭ رەكتورى ع.مۇتانوۆ: «كەز-كەلگەن جان ومىردە قانداي ءىز قالدىرامىن دەگەن ويدى ەستە بەرىك ۇستاۋى كەرەك. كورەالماۋشىلىق، قىزعانشاقتىق بار جەردە ەش دامۋ بولمايدى.  اياقتان شالۋ، ارىزقويلىق جاقسى قاسيەت ەمەس. نەبىر ىزگى نيەتتەردى جاستار بويىن قالىپتاستىرۋ ارقىلى وركەنيەتكە قول جەتكىزەمىز.وركەنيەت ارقىلى، العان ىلىم-بىلىمدەردى جاقسى ىسكە جۇمساۋ ارقىلى، تاربيەگە دەن قويۋ ارقىلى ەلدى، ۇلتتى دامىتامىز. مىنە، « اينالاڭدى نۇرلاندىر جوباسىنىڭ دىتتەگەن ماقساتى وسى»،- دەپ انىقتاما بەرەدى.وسى قابىلدانعان باعدارلامانىڭ ارقاسىندا  شىعىستانۋ  فاكۋلتەتى قىتايتانۋ كافەدراسىنىڭ ۇجىمى مەن ستۋدەنتتەرى، ماگيسترانتتارى   جىل سايىن بىرلەسىپ، كوپتەگەن تاربيەلىك ءمانى زور، تاعلىمى تەرەڭىس-شارالار وتكىزۋدە. شىعىستانۋ فاكۋلتەتى قىتايتانۋ كافەدراسىنىڭ ۇجىمى دا وسى ءوتىپ جاتقان اكسيادان شەت قالماي، 2015 جىلدىڭ جەلتوقسان ايىنىڭ ونىندا قايرىمدىلىق شاراسىن ۇيىمداستىردى.

قىتايتانۋ كافەدراسىنىڭ «اۋدارما ءىسى»، «شەتەل فيلولوگياسى»، «شىعىستانۋ» ماماندىعى بولىمدەرىنىڭ 1،2 كۋرس ماگيسترانتتارى مەن وقىتۋشىلارىالماتى قالاسىنداعىمامىر-7 ىقشاماۋدانىندا ورنالاسقان «ارداگەرلەر ۇيىندەگى» قارتتاردىڭ كوڭىلدەرىن ءبىر دەمەپ قايتتى.  ماگيسترانتتار ونداعى قارتتاردىڭ تىنىس-تىرشىلىگىمەن تانىسىپ، اڭگىمە-سۇقبات قۇردى. سوڭىنان ماگيسترانتتار كىشىگىرىم كونسەرت ۇيىمداستىردى.  ۇلتتىق كۇيلەردى  ورىنداپ، قۇيقىلجىتا ءان سالعان قاۋىمبەك قايسار، دانا بالتابەكوۆا، ەسبولات تاڭنۇر، ەلەمەس ءزۇبيراش سىندى ماگيسترانتتارىمىزدىڭ ونەرىنە  ءتانتى بولعان ارداگەرلەر   ۇلكەن ريزاشىلىقتارىن ءبىلدىردى.  كەزدەسۋ سوڭىندا كىشىگىرىم سىيلىقتارىمىزدى تاراتىپ، بىرلەسىپ سۋرەتكە ءتۇسىپ، جىلى قوشتاستىق.

كەنجەبايەۆا ايدا

 ءال-فارابي اتىنداعى شىعىستانۋ فاكۋلتەتى قىتايتانۋ كافەدراسىنىڭ دوسەنتى