استانادا ق ر قورعانىس ءمينيسترى يمانعالي تاسماعامبەتوۆ ق ر قارۋلى كۇشتەرىنىڭ ءبىرقاتار وفيسەرلەرى مەن ۆەدومستۆولىق باعىنىستى ۇيىمداردىڭ قىزمەتكەرلەرىنە مەملەكەتتىك ناگرادالاردى تابىستادى. بۇل تۋرالى «»قامشىق پورتالى مينيسترلىكتىڭ باسپا ءسوز قىزمەتىنە سىلتەمە جاساپ حابارلايدى. 

«سىزدەر وزدەرىڭىزدىڭ وتانعا دەگەن شەكسىز قىزمەت ەتۋلەرىڭىزبەن عانا ەمەس، بارشا قازاقستاندىق ءۇشىن قاسيەتتى ءىس تاۋەلسىز ەلىمىزدىڭ ءار ۇيىندە بەيبىتشىلىك پەن تىنىشتىقتى ساقتاي وتىرىپ، ۇنەمى ۇزدىك جانە جاۋاپتى بولۋ شەبەرلىكتەرىڭىزبەن بۇل ناگرادالاردى الۋعا ابدەن لايىقسىزدار. سوندىقتان بۇل ناگرادالاردى قابىلداي وتىرىپ، سىزدەر ەلىمىزدىڭ باسشىسىنىڭ عانا ەمەس، سونىمەن بىرگە اسكەري ادامعا قۇرمەتپەن قارايتىن بارشا قازاقستاندىقتاردىڭ جوعارى باعاسىن الىپ وتىرعاندارىڭىزعا سەنىمدىمىن. جوعارى باس قولباسشىعا، مەملەكەتىمىز بەن حالىققا ءارى قاراي ادال قىزمەت ەتەتىندەرىڭىزگە كامىل سەنىمدىمىن»، - دەدى ق ر قورعانىس ءمينيسترى يمانعالي تاسماعامبەتوۆ.

2015 جىلعى 3 جەلتوقسانداعى ق ر پرەزيدەنتىنىڭ جارلىعىنا سايكەس گەنەرال-مايور جومارت قۋانعالييەۆ ءىى دارەجەلى «داڭق» وردەنىمەن، پولكوۆنيك ءادىل بەكوۆ، مۇراتجان جۇماعازييەۆ، پولكوۆنيك قايسار مۇگالوۆ، پولكوۆنيك تولەۋبەك سۇلەيمەنوۆ ءىى دارەجەلى «ايبىن» وردەنىمەن ماراپاتتالدى.

زاپاستاعى گەنەرال-مايور ديحانبەك ساتىلگانوۆ پەن «قازاقستان ينجينيرينگ» ۇك» اق-تىڭ كورپوراتيۆتىك دامۋ دەپارتامەنتىنىڭ ديرەكتورى كەنجەباي ساتجانوۆ «قۇرمەت» وردەنىنىڭ يەگەرلەرى اتاندى.

ودان باسقا، ق ر قورعانىس ءمينيسترىنىڭ بۇيرىعىنا سايكەس پودپولكوۆنيك اسكەر بەيسەنوۆ (مەرزىمنەن بۇرىن پولكوۆنيك اتاعىن) جانە مايور سەرگەي چەرنەنوك (مەرزىمنەن بۇرىن پودپولكوۆنيك اتاعىن) مەرزىمنەن بۇرىن كەزەكتى اسكەري اتاعىن الدى.