بىزدەگى جول ەرەجەلەرى جول-كولىك قاتىناستارىن رەتتەگەننەن گورى، جۇرگىزۋشىلەردى نەعۇرلىم كىنالى ەتىپ، ايىپپۇل سالۋ ماقساتىمەن جاسالاتىنداي. جول-كولىك قوزعالىسىن رەتتەپ، جولدا تۋعان قيىندىقتاردى شەشۋى ءتيىس جول-پاترۋلدىك پوليسيا قىزمەتكەرلەرى دە كوبىنەسە نەگىزگى مىندەتتەرىن ۇمىتىپ، جۇرگىزۋشىلەردىڭ قانداي دا ءبىر ايىبىن تابۋعا، ءتىپتى، جول ەرەجەسىن بۇزۋعا يتەرمەلەپ جاتادى.
ۆيدەوداعى جاعداي دا پوليسەيلەردىڭ جۇرگىزۋشىلەردى جازالاۋدى ماقسات ەتكەن جۇمىسىنىڭ كورىنىسى. الماتى-تالعار تاس جولىنىڭ «ماگنۋم» ساۋدا ءۇيى تۇسىندا بۇرىن كولىكتەر بۇرىلىپ جۇرگەن جەرگە تۇتاس قوس جولاق تۇسكەن. ەندى جول پوليسياسى سول تۇستى تورۋىلداپ، الگى جولاقتى امالسىزدان كەسىپ وتكەن جۇرگىزۋشىلەرگە ايىپپۇل سالۋدى ادەتكە اينالدىرعان. ءبىراق، تۇتاس جولاقتى كەسىپ وتپەۋ تۋرالى تالاپ، پوليسيا قىزمەتكەرلەرىنە ارنالماعانداي...
مەملەكەتتىك تىركەۋ ءنومىرى ا889كر جول-پاترۋلدىك پوليسياسىنىڭ قىزمەتتىك كولىگى كولىكتەر لەگىنە كەدەرگى تۋعىزىپ، رۇقسات ەتىلمەگەن جەردەن بۇرىلىپ كەتتى.
