16 جەلتوقسان كۇنى «جەزقازعان-ساتبايەۆ» كۇرەجولىندا كەشە تاڭەرتەڭ «ۋاز پاتريوت» اۆتوكولىگىنىڭ 22 جاسار جۇرگىزۋشىسى كوكتايعاق سالدارىنان قاراما-قارسى جول باعىتىنا شىعىپ كەتىپ، «فولكسۆاگەن ت4» اۆتوكولىگىمەن سوقتىعىسقان، - دەپ حابارلايدى «قامشى» پورتالى قازاقپاراتقا سىلتەمە جاساپ.
«جول-كولىك وقيعاسى سالدارىنان ەكى جۇرگىزۋشى مەن «فولكسۆاگەن» اۆتوكولىگىنىڭ جولاۋشىسى وقيعا ورنىندا قازا تاۋىپ، شاعىن اۆتوبۋستىڭ التى جولاۋشىسى اۋرۋحاناعا جاتقىزىلدى»، - دەلىنگەن قاراعاندى وبلىسى ءىىد-نىڭ باسپا ءسوز قىزمەتى تاراتقان حابارلامادا.
جول-كولىك وقيعاسى فاكتىسى بويىنشا، سوتقا دەيىنگى تەرگەپ-تەكسەرۋ امالدارى جۇرگىزىلۋدە، ءبىرقاتار ساراپتامالار تاعايىندالدى.
