پاۆلودار وبلىسىنداعى ينتەرناتتا تاربيلەنۋشى قىز وز-وزىنە قول جۇمسادى، دەپ حابارلايدى Tengrinews.kz ءتىلشىسى. جەدەل اقپارات كوزىنە سەنسەك، پاۆلودار وبلىسىنىڭ باياناۋىل اۋىلىنداعى مەكتەپ ينتەرناتىندا 17 جاسار ماعجان جۇماحان ەسىمدى قىز بالا دارعا اسىلىپ قالعان.

"ەندى بۇل وقيعاعا بايلانىستى "ءوزىن-وزى ولتىرۋگە دەيىن جەتكىزگەنى ءۇشىن" بابى بويىنشا قىلمىستىق ءىس قوزعالدى. بۇل رەتتە كامەلەتكە تولماعان ءجاسوسپىرىمنىڭ ءولىم الدىنداعى حاتى تابىلعان. وندا ول ءوزىنىڭ ولىمىنە كىنالىلەردى انىقتاپ كورسەتكەن. سونىمەن بىرگە مەكتەپتىڭ بەينەباقىلاۋ كامەراسىنداعى كادرلار دا الىندى. ءقازىر بۇل اقپاراتتىڭ بارلىعى تەكسەرىلىپ جاتىر"، - دەپ حابارلادى پاۆلودار وبلىستىق ءىىد باسپا ءسوز قىزمەتى. ءولىم الدىنداعى حاتىندا ول ءوزىنىڭ ولىمىنە مۇعالىمدەر مەن مەكتەپ-ينتەرناتىنىڭ ديرەكتورىن ايىپتاعان. وبلىستىق بالالار قۇقىن قورعاۋ باسقارماسىنىڭ حابارلاۋىنشا، ءدال قازىرگى تاڭدا ينتەرنات تاربيەلەنۋشىلەرىمەن پسيحولوگتار توبى جۇمىس ىستەۋدە. "ءبىز بۇل جاعدايدى تالداپ، بالالارمەن جۇمىس ىستەيمىز. ارينە ولار بولعان وقيعادان كەيىن قاتتى ەسەڭگىرەپ قالدى، دەپرەسسيالىق كۇيگە ءتۇستى. مەكتەپ جانىنداعى ينتەرناتتا بالالار ءبىر وتباسى رەتىندە ءومىر سۇرگەن. ازداعان تراگەديا ورىن الدى، ءقازىر مۇنىمەن تەرگەۋ ورىندارى اينالىسىپ وتىر"، - دەپ تۇسىنىكتەمە بەردى پاۆلودار وبلىستىق بالالار قۇقىن قورعاۋ باسقارماسىنىڭ باسشىسى ناتاليا نەفەدوۆا. ايتا كەتەيىك، جوعارعى سىنىپ وقۋشىسىنىڭ ولىمىنەن كەيىن باياناۋىلداعى مەكتەپ-ينتەرناتىنان بىردەن جەتى ادام جۇمىستان بوساتىلدى، ولاردىڭ اراسىندا تاربيەشىلەر مەن مۇعالىمدەر جانە وقۋ ورنىنىڭ ديرەكتورى دا بار.