الماتىدا كەشە جول اپاتى بولىپ، وقيعا ورنىنا كەلگەن پوليسەيلەر جول اپاتىنا قاتىسۋشىلاردىڭ قارسىلىعىنا تاپ بولدى، - دەپ حابارلايدى «قامشى» پورتالى Zakon.kz-كە سىلتەمە جاساپ. وقيعا كەشە تۇندە مۇقانوۆ كوشەسىنىڭ اباي داڭعىلىنان تومەن تۇسىندا بولعان. مۇقانوۆ كوشەسىمەن وڭتۇستىك باعىتتا كەلە جاتقان «دەۋ-نەكسيا» كولىگىنە بۇرىلىستان شىققان «لەكسۋس» ماركالى اۆتوكولىك بەتپە-بەت كەلىپ سوقتىعىسقان. اپات سالدارىنان «نەكسيادا» وتىرعان 3 ادام، جاپون كولىگىندەگى ءبىر ادام زارداپ شەككەن. اپات ورنىنا پوليسيا قىزمەتكەرلەرى كەلگەندە لەكسۋس جۇرگىزۋشىسى جاسىرىنىپ قالعان كورىنەدى. ءبىراز ۋاقىت وتكەن سوڭ سوقتىعىسقان كولىكتەرگە «لەكسۋس» جۇرگىزۋشىسىنىڭ «قولداۋشىلارى» كەلىپ، كولىكتىڭ مەملەكەتتىك نومىرلەرىن شەشىپ اكەتپەك بولادى. پوليسيا ونى بايقاپ قالىپ، توقتاتادى. جول اپاتىنا كىنالى لەكسۋس كولىگىنىڭ جۇرگىزۋشىسى دە وسى «قولداۋشىلاردىڭ» كولىگىندە وتىرعانىن كورگەن پوليسەيلەر ولاردى ۇستاماق بولادى. وسى كەزدە توبەلەس باستالادى. توبەلەستەن جانە جول اپاتىنان جاراقات العاندارعا مەديسينالىق جەدەل جاردەم قىزمەتكەرلەرى كومەك كورسەتتى. ەسكەرتۋ: ۆيدەودا بىلاپىت سوزدەر ايتىلادى.
