يۋريي كراسنوجان قازاقستان قۇراماسىنىڭ باس باپكەرى قىزمەتىنەن كەتەدى، - دەپ حابارلايدى Vesti.kz ءتىلشىسى مالىمەتى بار دەرەككوزگە سىلتەمە جاساپ.
رەسەيلىك مامان قازاقستان قۇراماسىن 2014 جىلدىڭ اقپانىنان بەرى باسقارىپ كەلەدى. كەلىسىمشارت ەكى جىلدىق مەرزىمگە قول قويىلعان، الايدا قۇجاتتا تاعى ەكى جىلعا مەرزىمدى ۇزارتۋ تۋرالى پۋنكت بار.
كراسنوجان مەرزىمى تاقاپ قالعان كەلىسىمشارتتى ۇزارتۋ جونىندە قازاقستاننىڭ فۋتبول فەدەراسياسىمەن كەلىسە الماعان كورىنەدى. ال ونىڭ ورنىنا كىمنىڭ كەلەتىنى جايلى اقپارات ازىرشە جوق.
قازاقستان قۇراماسى كراسنوجاننىڭ جەتەكشىلىگى كەزىندە ەۋرو-2016 ىرىكتەۋ كەزەڭىندە ا توبىندا ءبىر كوماندادان عانا وزا الدى، ۇجىم ون ماچتا بەس ۇپاي جينادى. وسىعان دەيىن كراسنوجاننىڭ "موردوۆيانى" باسقاراتىنى جايلى مالىمەت تارالعان ەدى.
