ۇلتتىق بانكتىڭ 2004-2009 جىلدار ارالىعىندا الىنعان پروبلەمالىق يپوتەكالىق نەسيەنى قايتا قارجىلاندىرۋى بويىنشا ارىز قابىلداۋ كەلەر جىلدىڭ 1 ناۋرىزىندا اياقتالادى، دەپ حابارلادى www.24.kz.

وسى ۋاقىتقا دەيىن 13 مىڭ ارىزدىڭ 8 مىڭى وڭ شەشىمىن تاۋىپ، 48 ميلليارد تەڭگە كولەمىندەگى قارىز قايتا قارجىلاندىرىلدى. بيىل ماۋسىم ايىنان باستاپ ىسكە اسىرىلا باستاعان باعدارلاماعا ۇلتتىق بانك ءوز قورىنان 130 ميلليارد تەڭگە بولگەن. بۇل قاراجات ەكىنشى دەڭگەيلى 9 بانككە ۇلەستىرىلدى. قارجى مەكەمەسى بۇل اقشانى كەلەر جىلدىڭ ناۋرىز ايىنا دەيىن يگەرۋى ءتيىس. ۇلتتىق بانك باعدارلامانىڭ الەۋمەتتىك باعىتىن ەسكەرىپ، ەرەجەلەردە ءبىرقاتار جەڭىلدىك تە قاراستىرعان.

«حالىقتىڭ الەۋمەتتىك وسال توپتارىنا جاتاتىن قارىز الۋشىلارعا قاتىستى تاعى ءبىر وزگەرىس ەنگىزىلگەن. ولار مەملەكەتتىك باج سالىعىنان بوساتىلىپ وتىر. وسى باعدارلاماعا ساي كەلەتىن قارىزدارى بويىنشا قايتا قارجىلايمىن دەيتىن قارىز الۋشى 1 ناۋرىزعا دەيىن بانككە بارىپ ارىز جازۋى ءتيىس»، - دەدى ق ر ۇلتتىق بانكى قارجىلىق ساۋاتتى ارتتىرۋ باسقارماسىنىڭ باستىعى داميليا بايدىلدايەۆا.

ال تەڭگە باعامىنىڭ ەركىن اينالىمعا شىعارىلۋىنا بايلانىستى ۇلتتىق ۆاليۋتاداعى دەپوزيتكە وتەماقى تولەۋ بويىنشا سالىمشىلاردان ارىز قابىلداۋ 1 جەلتوقساندا اياقتالدى. 200 مىڭعا جۋىق سالىمشى وتەماقى الۋعا ارىز بەرگەن. بۇل جالپى العاندا 73 ميلليارد تەڭگە. ەرەجەلەرگە سايكەس، 1 ميلليون تەڭگەگە دەيىنگى دەپوزيتى بار سالىمشى قارجىسىن بانكتە تاعى ءبىر جىل ساقتاۋى كەرەك. كەلەسى جىلدىڭ 30 قىركۇيەگىندە سالىمشى سول كەزدەگى جانە بيىلعى جىلدىڭ 18 تامىزىنداعى دوللار باعامىنا قاراي وتەماقى الادى.