الماتى قالالىق ءىىد مەن ۇيالى بايلانىس وپەراتورلارى جاساعان مەموراندۋم قولدى بولعان قالتا تەلەفوندارىن دەر كەزىندە بۇعاتتاۋعا، سول ارقىلى تەلەفون ۇرلىعىن اشۋ كورسەتكىشىن ارتتىرۋعا باعىتتالعان، - دەپ حابارلايدى «قامشى» پورتالى ءىىد باسپا ءسوز قىزمەتىنە سىلتەمە جاساپ.
«پوليسيا قىزمەتكەرلەرى ۇرلانعان تەلەفونداردى IMEI كودى بويىنشا بۇعاتتاۋ پروسەسىنە كىرىستى. پروكۋراتۋرامەن بىرلەسىپ، تەلەفون ۇرلىعىن اشۋ بويىنشا ارەكەتتەردىڭ الگوريتمى جاسالعان. ەندى تەلەفونىنان ايرىلعان ازامات ءىىو-عا ارىز جازعاندا بايلانىس وپەراتورىنا ءوتىنىش بەرىپ، جوعالعان تەلەفوندى بۇعاتتاي الادى. بۇعاتتالعان تەلەفون ۇرلىق جاساعان ادام ءۇشىن ماتەريالدىق قۇندىلىق بولۋدان قالادى»، -دەيدى الماتى قالاسى ءىىد باستىعىنىڭ ءبىرىنشى ورىنباسارى قانات تايمەردەنوۆ.
پوليسەيلەر وسى جۇيە تەلەفون ۇرلىعىن العاشقى كەزەڭدە 25 پايىزعا دەيىن قىسقارتادى دەگەن سەنىمدە.
