جاس ءانشى تورەعالي ءتورالى الەۋمەتتىك جەلىدە ەركە ەسماحاندى كەلىن قىلىپ العىسى كەلەتىن نيەتىن ايتىپ، جۇرتتى تاعى ءبىر شۋلاتتى. سىمباتتى جىگىتتىڭ بۇل قالاۋى راس-وتىرىگىن بىلە الماي تىڭدارماندار دال بولۋدا، - دەيدى nur.kz.

مەن سوعىپ ەم، سەن ماعان اللو دەدىڭ،
سوسىن مەن دە وتىرىك اللو دەدىم)
اسەم ءان، ورنەكتەلگەن ولەڭ بولسا
باس بارماقپەن بەرەدى باعانى ەلىم،
ەكى اپتادا ميلليون اقشا تاپسا،
وسى قىزدى كەلىن قىپ الار ەدىم، – دەپ جازدى تورەعالي ەركە ەسماحان جايلى.

قوس ءانشى “اللو” بەينەبايانىنان سوڭ، جۇرتشىلىقتىڭ نازارىنان تىس قالمايتىن بولدى. ەندى حالىق جۇلدىزداردىڭ ءار قيمىلىن باعىپ وتىرادى. تورەعاليدىڭ بۇل ءازىل ارالاس ءسوزىن اركىم ءارقالاي قابىلداعانى انىق. بىرەۋلەر ەكى ءارتىستىڭ دە وتباسىلى ەكەنىن ايتسا، بىرەۋلەر تورەعاليدىڭ ەركەدەن جاسى كىشى ەكەنىن ايتىپ تالاسىپ جاتىر.

ايتا كەتەيىك، تورەعالي مەن ەركە ەسماحاننىڭ “اللو” بەينەبايانى كوپشىلىكتىڭ كوڭىلىنەن شىققانى سونشالىق، ەكى اپتانىڭ ىشىندە حيت تۋىندىنى ميلليوننان استام ادام تاماشالاپ ۇلگەرگەن.

 «قامشى» سىلتەيدى