قازاقستان ۇلتتىق بانكىنىڭ ءتوراعاسى دانيار اقىشيەۆ بۇگىن الماتىدا العاش رەت باسپا ءسوز ءماسليحاتىن وتكىزدى، - دەپ حابارلايدى «قامشى» پورتالى.

دانيار اقىشيەۆ جۋرناليستەردى ەلدىڭ قارجى نارىعىنداعى احۋال، ينفلياسيا مەن دەپوزيت نارىعى، نەسيە مەن قۇندى قاعازدار جاعدايى تۋرالى مالىمەتتەردەن حاباردار ەتتى.

باس بانكيردىڭ مالىمدەمەسىنەن سوڭ، جۋرناليستەر ساۋالدارىن قويدى.

جۋرناليستەردىڭ ۆاليۋتا باعامىنىڭ ءجيى وزگەرۋىنەن كىمدەر پايدا تاۋىپ وتىرعاندىعى تۋرالى سۇراعىنا باس بانكير قينالىپ جاۋاپ بەرگەن. تەك، «بەلگىلى-بىر سپەكۋليانتتاردىڭ پايدا تابۋى مۇمكىن» دەگەن قىسقا جاۋاپ قاتتى.

ال، جەكە جيناقتارى تۋرالى سۇراققا ۇلتتىق بانك ءتوراعاسى ءوزىنىڭ ەشقانداي قارجىلاي جيناقتارىنىڭ جوق ەكەنىن ايتتى. سونداي-اق، ول ءوزى ەشبىر الەۋمەتتىك جەلىدە اككاۋنتتارىنىڭ جوق ەكەنىن، وزىنە قاتىستى سىني پىكىرلەرگە تۇسىنىستىكپەن قارايتىنىن جەتكىزدى.

كەلەسى باسپا ءسوز ءماسليحاتى 2016 جىلڭى قاڭتار ايىنا جوسپارلانعان.

ۆيدەو tengrinews.kz سايتىنان الىندى.