ۇلتتىق ۇلان «وڭتۇستىك» وڭىرلىك قولباسشىلىعىندا وڭىرلىك قولباسشىلىققا باعىنىستى اسكەري بولىمدەردىڭ 2015 جىلعى وقۋ كەزەڭىن قورىتىندىلاۋعا ارنالعان اسكەري كەڭەس ءوتتى، - دەپ حابارلايدى «قامشى» پورتالى.

كەڭەستە اسكەري بولىمدەرگە 2015 جىلعى وقۋ كەزەڭىندە مىندەتتەلگەن تاپسىرمالاردى تولىقتاي ورىنداۋى، اسكەردەگى حال-احۋال، جاۋىنگەرلىك-قىزمەتتىك ىس-ارەكەت پەن اتقارىلعان جۇمىستاردىڭ ناتيجەسى، سونىمەن قاتار 2016 جىلعا جۇكتەلەتىن مىندەتتەر تۋرالى تاعى دا باسقا ماسەلەلەر قاراستىرىلدى. بۇل جونىندە قولباسشىنىڭ ورىنباسارلارى ءوز باعىتتارى بويىنشا اتقارىلعان جۇمىستارعا ەسەپ بەرىپ، الداعى 2016 جىلعا كوزدەلگەن ماقساتتارعا جەتۋ جولىنداعى جوسپارلارىن باياندادى.

- 2015 جىلعى ەكىنشى جارتىجىلدىقتا وڭىرلىك قولباسشىلىق اسكەري بولىمدەرى تۇراقتى جاۋىنگەرلىك دايارلىق، نىسانداردىڭ بەرىك كۇزەتى، سوتتالعانداردى قاداعالاۋ مەن ولاردى ايداۋىلداۋ، سونىمەن قاتار قوعامدىق ءتارتىپ پەن قاۋىپسىزدىكتى قامتاماسىز ەتۋ سەكىلدى قىزمەتتەردى جوسپارعا سايكەس ورىندادى – دەپ باياندادى قولباسشىنىڭ ءبىرىنشى ورىنباسارى – شتاب باستىعى اندرەي قاسكەلەنوۆ. بۇنىمەن قوسا ءبىرقاتار اسكەري بولىمدەر كومانديرلەرىنىڭ باياندامالارى تىڭدالىپ، ءبىرشاما ماسەلەلەردىڭ شەشىمىن شەشۋ جولىنداعى ۇسىنىستارى ورتاعا سالىندى.

اسكەري كەڭەستىڭ اياعىندا 2015 جىلعى جاۋىنگەرلىك-قىزمەتتىك مىندەتتەردى ۇزدىك ورىنداعان اسكەري بولىمدەردىڭ كومانديرلەرى گراموتالارمەن، مەدالدارمەن جانە اۋسىپ وتىراتىن كۋبوكپەن ماراپاتتالدى.

جالپى ۇلتتىق ۇلان «وڭتۇستىك» وڭىرلىك قولباسشىلىعىنا قاراستى اسكەري بولىمدەردىڭ اسكەري قىزمەتشىلەرى 2015 جىلى جاۋىنگەرلىك-قىزمەتتىك مىندەتتەرىن ادال اتقارىپ، تالاي مادەني-قوعامدىق، ساياسي ءىس-شارالاردى وتكىزۋ بارىسىندا قاۋىپسىزدىكتى قامتاماسىز ەتە ءبىلدى. اتاپ ايتار بولساق، كۇنى كەشە عانا وتكىزىلگەن ءانشى قايرات نۇرتاستىڭ ءان كەشىندە ەشقانداي قۇقىق بۇزۋشىلىققا جول بەرگەن جوق. بۇل تۇرعىدا ۇلاندىقتاردىڭ قازاقستان رەسپۋبليكاسى ءىىم ىشكى ىستەر بولىمدەرىنىڭ قىزمەتشىلەرىمەن  بىرلەسە اتقارىپ جاتقان جۇمىستارىن ەسكەرگەنىمىز ءجون. وسىنداي ءوزارا بىرلەسكەن جۇمىستاردىڭ ارقاسىندا جۋىردا ىلە اۋدانى جەتىگەن كەنتىنەن جوعالىپ كەتكەن 20 جاسار جاس قىز ايزادا اۆلاتاروۆانى قاپشاعاي ماڭىنان ۇلاندىق اسكەري قىزمەتشىلەر تاۋىپ،  ونى وتباسىنا امان-ەسەن تاپسىردى. بۇنىمەن قوسا 2015 جىلعى شىلدە-تامىز ايلارىندا الماتى قالاسى ناۋرىزباي اۋدانىنداعى ءجۇرىپ وتكەن سەلدىڭ سالدارىن جويۋ ءۇشىن ۇلاندىق اسكەري قىزمەتشىلەر كەڭىنەن تارتىلدى. ۇلاندىقتاردىڭ ارقاسىندا توتەنشە جاعداي اۋماعىنان 160 ادام ءقاۋىپسىز جەرگە كوشىرىلىپ، ەلدى-مەكەندەگى 800 مەترگە جۋىق اۋماق، اقساي شاتقالىنداعى 2 تاۋلى وزەننىڭ 2 ارناسى، 90-عا جۋىق جەكەمەنشىك ءۇي-جايلار جانە 3 مەكتەپ پەن 1 بالاباقشا قوقىستار مەن بالشىقتاردان تازارتىلدى. سونداي-اق، ءقاۋىپتى قىلمىسكەرلەردى ايداۋىلداۋ، سوتتالعانداردى قاداعالاۋ، ونىمەن قوسا ستراتەگيالىق ماڭىزدى مەملەكەتتىك نىسانداردى كۇزەتۋ مەن قۇپيا جۇكتەردى باعىتتاپ الىپ ءجۇرۋ بويىنشا دا ءبىرشاما مىندەتتەر ۋاقتىلى جانە ساپالى ورىندالدى.

وسىنداي جاۋاپكەرشىلىگى مول مىندەتتەردى اتقارۋ بارىسىندا  ۇلتتىق ۇلان «وڭتۇستىك» وڭىرلىك قولباسشىلىق اسكەري بولىمدەرىنىڭ وفيسەرلەرى، كەلىسىمشارت بويىنشا اسكەري قىزمەتشىلەرى جانە ساربازدارى سەنىمدى ىس-ارەكەتتەرىنىڭ ارقاسىندا  جوعارى ناتيجەلى جاۋىنگەرلىك دايارلىقتارىن كورسەتتى.