اياعىنىڭ اۋىرلاعانىن 18 جاستاعى قىز اناسىمەن بىرگە ءىشى اۋىرىپ ەمحاناعا بارعاندا ءبىر-اق بىلگەن، - دەپ حابارلايدى «قامشى» پورتالى Nur.kz-كە سىلتەمە جاساپ.

بۇل تۋرالى ينتەرنەت-پورتال تىلشىسىنە اتالعان جاعداي ورىن العان وتباسىنىڭ مۇشەسى حابارلاعان. بەلگىلى ءبىر سەبەپتەرمەن وتباسى اتى-جوندەرىن جاسىرىپ قالۋدى ءجون كورىپتى.

كاملەت جاسىنا كەلگەن قىزىن دارىگەرگە جەتەكتەپ اكەلگەن اناسى جۋىردا نەمەرەلى بولاتىنىن، قىزى جۇكتىلىكتىڭ 7-ايىندا ەكەنىن ەستىپ، ەسىنەن تانىپ قالا جازداعان. جۇكتى بولعانىن بىلمەيتىن قىزدىڭ ءوزى ءالى پاك ەكەنىن ايتىپ، اقتالعان.

قىزدىڭ ەشكىممەن توسەكتەس بولماعانىن ونى تەكسەرگەن دارىگەر-گينەكولوگ تا راستادى.

كەيىن انىقتالعانداي، قىز بالا جىگىتىمەن وڭاشادا قالىپ، ءبىراز ويناعان. تالاي جەرگە دەيىن بارىپ، شەشىنگەن، ءبىراق جىنىستىق قاتىناسقا تۇسپەگەن. سوندا دا جىگىتتەن ءبولىنىپ شىققان بيولوگيالىق سۇيىقتىق قىزدىڭ ىشىنە تۇسكەن. ەندى جىگىت "قىزعا تيىسكەن جوقپىن" دەپ  ات-تونىن الا قاشىپ، ۇيلەنۋدەن باس تارتىپ وتىرعان كورىنەدى.

وتباسى قازاقستانعا وزگە ەلدەن جۇمىس ىستەۋگە كەلگەنىن ايتا كەتۋ كەرەك.