الەۋمەتتانۋشىلاردىڭ زەرتتەۋلەرى كەيىنگى كەزدەرى بالالاردىڭ دامۋى  كۇردەلى وزگەرىستەرگە ۇشىراپ جاتقانىن انىقتادى. بەلگىلى بولعانداي، قازىرگى كۇننىڭ بالالارى قاراپايىم قۋىرشاق سياقتى ويىنشىقتارعا ءتىپتى نازار اۋدارمايتىن كورىنەدى.

كەرىسىنشە، قازىرگى كەزدە بالالاردى ءتۇرلى ءموبيلدى گادجەتتەر قىزىقتىرۋدا. بۇل قۇرالدار قۋىرشاقتار مەن ۇستەل ويىندارىنان دا ماڭىزدىراق بولىپ، ولارعا دەگەن سۇرانىس كۇننەن-كۇنگە ارتىپ وتىر.

مۇنداي قورىتىندىعا عالىمدار 12 جاسقا دەيىنگى بالالارى بار 350 اتا-اناعا ساۋالناما جۇرگىزۋ كەزىندە كەلدى. زەرتتەۋ بارىسىندا ءمالىم بولعانداي، بالالاردىڭ 60 پايىزى پلانشەت پەن سمارتفوندى «ءجيى»، ال 38 پايىزى «وتە ءجيى» قولداناتىن كورىنەدى.

سونىمەن قاتار، ماماندار تاجىريبە كەزىندە بالالاردىڭ 70 پايىزدان استامى سمارتفونداردى ءجيى قولداناتىن وتباسىندا تۇراتىندىعىن انىقتاعان، ال بالالاردىڭ 38 پايىزىندا وزدەرىنىڭ جەكە سمارتفوندارى بار، دەپ جازادى روسبالت.

"قازاقپارات"