قىتايدا تۇراتىن قازاق بوكسشىسى بەيسەنبى ءناسيوللا جاقىندا ۇلكەن جەڭىسكە جەتىپ، ءوز سالماق كاتەگورياسىندا قحر-دىڭ ءبىرىنشى ءنومىرلى بوكسشىسى اتاندى، - دەپ حابارلايدى «قامشى» پورتالى قازاقپاراتقا سىلتەمە جاساپ.

ءبىر اپتا بۇرىن بەيسەنبى كۋنمين قالاسىندا 2015 جىلى وتكىزگەن سوڭعى كەزدەسۋىندە العاشقى مينۋتتا-اق قارسىلاسىن ۇرىپ جىققان.

بەيسەنبى ءناسيوللا ۇلى – قازاق بوكسشىسى قانات يسلامنىڭ جەرلەسى، قىتايداعى التاي ايماعىنىڭ تۋماسى. قابا قالاسىندا 1994 جىلى دۇنيەگە كەلگەن. بوكسشىنىڭ ەسىمى تەك قىتايدا عانا ەمەس، فيليپپين مەن تايلاندتا دا تانىمالدىققا يە.

وتكەن جىلى ول كاسىبي بوكستان قىتايدا وتكەن ازيا تۋرنيرلەرىنە 8 مارتە قاتىسىپ، تەك بىرەۋىندە عانا ۇپاي سانىمەن جەڭىلىس تاپقان. ءقازىر بوكسشى قىتايلىق «جون-ۆەي» كومپانياسىمەن كەلىسىمگە وتىرىپ، فيليپپيندىك ليابىن دۋننىڭ قول استىندا جاتتىعۋدا. سالماعى – 66،8 كەلى، بويى – 180 سم. وتكەن جىلدىڭ قورىتىندىسى بويىنشا ول ءوز سالماعى بويىنشا الەمدىك رەيتينگتە 270-ورىنعا تۇراقتاعان.