قاراعاندىلىقتار اقتۇتەك بوراندا قار قۇرساۋىندا قالعان جولاۋشىنى قۇتقاردى. ول ەلوردادان شىمكەنتكە بەت العان، - دەپ حابارلايدى 24.kz.
جولدا تولعاعى باستالعان استانا قالاسىنىڭ تۇرعىنىن قاراعاندىلىق دارىگەرلەر وبلىستىق پەريناتالدىق ورتالىققا دەرەۋ جەتكىزگەن. جەدەل كورسەتىلگەن كومەكتىڭ ارقاسىندا شولپان سارسەنبايەۆانىڭ امان-ەسەن جانى قالىپ، قول-اياعىن باۋىرىنا الدى. دۇنيەگە نۇرگۇل ەسىمدى قىز بالا كەلدى. «انا مەن بالانىڭ جاعدايى جاقسى»، - دەيدى دارىگەرلەر.
«ءبىز بارلىق انالارعا ەسكەرتۋ جاسايمىز. بوسانار الدىندا الىس جولعا شىعۋعا بولمايدى. قازىرگى ۋاقىتتا ءبىزدىڭ پەريناتالدىق ورتالىقتا اۋدان، قالالاردان كەلىپ بوسانىپ جاتقان انالار كوپ. ءبىز ولاردى ۇيلەرىنە قايتارماي وتىرمىز. سەبەبى اۋا رايى قولايسىز، بوران. ومىرلەرىنە ءقاۋىپ ءتونۋى مۇمكىن»،- دەيدى وبلىستىق پەريناتالدىق ورتالىقتىڭ ديرەكتورى ساۋلە امانبەكوۆا.
