الماتىدا بالالار مەن جاسوسپىرىمدەردى بوكسقا باۋليتىن جاڭا جاتتىعۋ زالى جۇمىس ىستەۋدە، - دەپ حابارلايدى «قامشى» پورتالى.

اشىلعانىنا ءۇش اي بولعان جاتتىعۋ زالىندا بۇگىندە 150-دەن استام بوكسشى جاتتىعۋدا. جاقىندا بوكس مەكتەبىندە الماتى قالاسى مەن وبلىسى اۋماعىنداعى بوكس مەكتەپتەرىنىڭ تاربيەلەنۋشىلەرى اراسىندا اشىق بىرىنشىلىك ءوتتى. وعان قالا مەن وبلىستىڭ سپورت مەكتەپتەرىندە، «ەرتال» بوكس كلۋبىندا جاتتىعىپ جۇرگەن جاس بوكسشىلار قاتىستى.

«جالپى، جاستار مەن بالالار اراسىنداعى سپورتقا ەرەكشە ءمان بەرىلۋى كەرەك. بۇگىنگى بالالار ەرتەڭ ەلىمىزدىڭ اتاعىن شىعاراتىن داڭقتى سپورتشى بولۋى مۇمكىن. ەلىمىزدىڭ قانات يسلام، سەرىك ساپييەۆ، گەنناديي گولوۆكين، بەكزات ساتتارحانوۆ سىندى سپورتشىلارىمىز دا وسىلاي بالا كەزدەرىنەن سپورتپەن شۇعىلدانىپ، ۇلكەن جەتىستىكتەرگە جەتكەنىن بىلەمىز»، - دەيدى بوكس مەكتەبىنىڭ نەگىزىن قالاۋشى ايدار شارىبايەۆ.

بوكس مەكتەبى الماتى قالاسىندا (پۋشيكن مەن ماقاتايەۆ كوشەلەرىنىڭ قيىلىسىنداعى «تۇركىستان» ساۋدا ءۇيىنىڭ 3-قاباتىندا) وقۋشى، ستۋدەنت جاستاردى جاتتىقتىرۋدى تۇراقتى جولعا قويعان.

ەرلان تولەۋباي