ءال-فارابي اتىنداعى قازۇۋ-دىڭ «قازاق ۋنيۆەرسيتەتى» باسپاسىنان جارىق كورىپ كەلە جاتقان «ونەگەلى ءومىر» سەرياسىنىڭ كەزەكتى 67،68-شىعارىلىمى قازاقستاننىڭبەلدىعالىمدارى، اكادەميكتەر ت.ب. دارحانبايەۆ پەن م.ا. ايتحوجينگە ارنالىپ شىعارىلدى، - دەپ حابارلايدى «قامشى» پورتالى.
كىتاپتا عالىمدار جايلى بيوگرافيالىق اقپاراتتار، ولاردىڭ عىلىمي ماقالالارى مەن جەكە مۇراعات سۋرەتتەرى، سونىمەن قاتار، دوستارى، تۋىستارى، زامانداستارى مەن ارىپتەستەرىنىڭ، شاكىرتتەرىنىڭ جىلى لەبىزدەرى مەن ەستەلىكتەرى قامتىلعان.
سالتاناتتى شارانى اشقان ءال-فارابي اتىنداعى قازۇۋ رەكتورى عالىم مۇتانوۆتەمىرباي بايبوسىن ۇلى مەن مۇرات ابەن ۇلىنىڭ ءومىرى، ەڭبەك جولى وسكەلەڭ ۇرپاققا ۇلگى ەكەنىن اتاپ ءوتتى.
«قازاق بيدايىنىڭ بيوحيميالىق جانە تەحنولوگيالىق قاسيەتتەرىن زەرتتەۋدى ەڭ العاش بولىپ دارقانبايەۆ تەمىرباي بايبوسىن ۇلى ءوز قولىنا العان ەدى. س.م. كيروۆ اتىنداعى قازمۋ-دىڭ رەكتورى بولعان عالىم ءبىزدىڭ ۋنيۆەرسيتەتىمىزدىڭ دامۋىنا سۇبەلى ۇلەسىن قوسىپ، تالاي قازاقستاندىق گەنەتيكتەردى تاربيەلەگەن ادام، – دەي كەلە رەكتور عالىم مۇتانوۆ ايتحوجين مۇرات ابەن ۇلىنىڭ ونەگەلى ءومىر جولىنا دا كەڭىنەن توقتالدى.–قازاقستاندا مولەكۋلالىق بيولوگيا مەن بيوتەحنولوگيانىڭ نەگىزىن قالاعان عالىمنىڭ ەسىمى بۇگىندە 1983 جىلى نەگىزىن ءوزىقالاعان مولەكۋلالىق بيولوگيا مەن بيوتەحنولوگيا ينستيتۋتىنا بەرىلگەن. ەلىمىزدىڭ بولاشاق بيولوگ ماماندارى ءۇشىن ونىڭ ەڭبەكتەرى– بىرەگەي تەڭدەسى جوق عىلىمي مۇرا».
كەزدەسۋگە كەلگەن قوناقتار، ق ر ۇعا اكادەميكتەرى زامانداستارىنىڭ ومىرىنەن قىزىقتى وقيعالار ايتىپ، عالىممەن بىرلەسىپ جاساعان جۇمىستارى تۋرالى ەستەلىكتەرىمەن ءبولىستى.
