ق ر ءبىلىم جانە عىلىم مينيسترلىگىنىڭ بەكىتكەن بۇيرىعى بويىنشا ەلىمىزدە بيىل «بولاشاق» حالىقارالىق ستيپەندياسىن الۋعا ۇمىتكەرلەردەن قۇجاتتار قابىلداۋ 3 ناۋرىزدان 30 مامىرعا دەيىن، 30 ماۋسىمنان 31 شىلدەگە دەيىن، 1 قىركۇيەكتەن 31 قازانعا دەيىن جۇرگىزىلەدى.

سونداي-اق، بۇيرىققا سايكەس ستيپەنديا بەرۋ جونىندەگى كونكۋرس 2014 جىلى 1 مامىردان باستاپ، 2015 جىلعى 31 قاڭتارعا دەيىن وتكىزىلەدى. اتالعان قۇجاتتا 2014 جىلعى حالىقارالىق «بولاشاق» ستيپەندياسىنىڭ جەڭىمپازدارىن تىلدىك كۋرستار بويىنشا وقىتۋ ۇسىنىلاتىن الدىڭعى قاتارلى شەتەلدىك جوو، شەتەلدىك ۇيىمداردىڭ ءتىزىمى بەرىلىپ، «بولاشاق» ستيپەندياسى شەڭبەرىندە شەتەلدە وقۋعا ارنالعان تۋىس ماماندىقتار ءتىزىمى بەكىتىلگەن. ايتا كەتەيىك، «بولاشاق» حالىقارالىق ستيپەندياسى قازاقستان رەسپۋبليكاسىنىڭ پرەزيدەنتى ن.ءا.نازاربايەۆتىڭ 1993 جىلعى 5 قاراشاداعى قاۋلىسىمەن قۇرىلعان. باعدارلاما اياسىندا بەلدى شەتەلدىك جوعارى وقۋ ورىندارىندا وتاندىق كادرلار دايارلىقتان وتەدى. 1993 جىلدان باستاپ 2013 جىلعا دەيىن جيىرما جىلدىڭ ىشىندە «بولاشاق» حالىقارالىق ستيپەندياسى الەمنىڭ 33 ەلىندەگى 200 ۇزدىك جوعارى وقۋ ورنىندا وقۋ ءۇشىن 10025 قازاقستاندىققا تاعايىندالعان. ال، بيىل 2014 جىلى 1100 "بولاشاق" ستيپنەدياسى بولىنەدى.