پارادوكس! قازاقتىڭ قايماقتارىن قىناداي قىرعان مىسىقتىلەۋ ميرزويانعا بەرىلگەن دالاداي داڭعىلدى يەلەنەر باتىر قالمادى ما ءبىزدىڭ ەلدە؟ الدە ءبارىن جارىلقاپ بىتتىك پە؟..  «قالانىڭ ءبىر قۋىسىندا بار-جوعى بەيمالىم، جەتىم بالانىڭ كۇيىن كەشىپ تۇرعان ءاز ءاليحاننىڭ نە جازىعى بار ەدى؟ «قالعانشا جارتى جاڭقام مەن سەنىكى، پايدالان شارۋاڭا جاراسا، الاش!» دەگەن اعالار ءسوزىن ۇران ەتىپ، حالقىنا قاتقىسىز قىزمەت قىلعان قازاقتىڭ قانىشىن قالايشا ۇمىتتىق؟» ويدى وي جالعاپ، وسىلاي كەتە بەرەدى، كەتە بەرەدى... ...ءار كەشتە ۇيگە قايتىپ كەلە جاتىپ باتىر باۋىرجان داڭعىلىن كەسىپ ءوتىپ، ميرزويان كوشەسىندەگى جاتاقحاناما باعىت العاندا، بىرىنەن ەكىنشىسىنىڭ ەشبىر وزگەشەلىگى جوق وسى ءبىر وي كۇن سايىن اينا-قاتەسىز كوكىرەگىمە كەپتەلەدى. باۋىرجانداي باتىرلار مۇرا ەتكەن قاھارماندىق قورقاۋلىقتىڭ كولەڭكەسىندە كولەگەيلەنىپ قالعانداي... ءبىر كەم دۇنيە!