تۇركيانىڭ فەتحيە دەمالىس ورنىنداعى جاعاجايدا رەسەيلىك كاسىپكەرگە تيەسىلى ياحتا ورتەنىپ كەتتى، - دەپ حابارلايدى «قامشى» پورتالى The Daily Mail-گە سىلتەمە جاساپ.
ۇزىندىعى 27 مەتر بولاتىن Queen Anna كەمەسى 21 قاڭتار كۇنى ورتەنگەن. تەز تۇتانعان جالىن باسقا كەمەلەرگە وتپەس ءۇشىن، جاعاجاي قىزمەتكەرلەرى ونى ءقاۋىپسىز ايماققا اپارعان. ءورت سالدارىنان كەمە كاپيتانى زارداپ شەگىپ، اۋرۋحاناعا جاتقىزىلعان. ءقازىر ءورتتىڭ شىعۋ سەبەپتەرى انىقتالۋ ۇستىندە.
ەستەرىڭىزگە سالساق، Queen Anna كەمەسىنىڭ قۇنى 6 ميلليون دوللارعا جۋىقتايدى. ورتەنگەن كەمەنىڭ يەسى ناقتى كىم ەكەنى ءالى ايتىلمادى. ءبىراق، تۇركيالىق باسپا ءسوز ول رەسەيلىك ازامات ەكەندىگىن مالىمدەپ وتىر.
