بۇل تۋرالى بۇگىن ق ر پرەزيدەنتى جانىنداعى ورتالىق كوممۋنيكاسيالار قىزمەتىندەگى بريفينگتە قازاقستان ىسكەر ايەلدەرى قاۋىمداستىعىنىڭ پرەزيدەنتى راۋشان سارسەمبايەۆا ايتتى.

«تاۋەلسىزدىك العان كۇننەن باستاپ ايەلدەر قاۋىمى ەلباسى جۇرگىزىپ وتىرعان رەفورمالارعا بەلسەندى تۇردە قاتىسۋدا. اسىرەسە، قازىرگى كەزدە نازىك جاندىلار كوپتەپ بيزنەسكە بەت بۇرۋدا. بۇگىندە الەمدەگى داعدارىسقا قاراماستان، جاڭا مۇمكىندىكتەر ارقىلى شاعىن جانە ورتا بيزنەستى جەتىلدىرۋدە باستامالار جۇزەگە اسىرىلىپ جاتىر. سونىمەن قاتار ايەلدەر ءۇشىن بارلىق دەڭگەيدەگى ءماسليحاتتاردىڭ جانە پارلامەنتتىك سايلاۋعا قاتىسۋ - ءوزىنىڭ الەۋەتىن كورسەتۋگە بىرەگەي مۇمكىندىك. ياعني، بۇل تۇرعىدا نازىك جاندىلار قوعامدىق، ساياسي الەۋەتىن كورسەتىپ، مەملەكەت ومىرىندە ءوزىنىڭ بەلسەندىلىگى ارقىلى ەلدىڭ دامۋىنا ۇلەس قوسا الادى»،-دەدى ر. سارسەمبايەۆ.

وسى ورايدا ول الداعى سايلاۋدا پارلامەنتتەگى ايەلدەردىڭ ۇلەسى ارتا تۇسەتىنىنە سەنىم ءبىلدىردى.

«بۇل باعىتتا ق ر پرەزيدەنتiنiڭ جانىنداعى ايەلدەر ىستەرى جانە وتباسىلىق-دەموگرافيالىق ساياسات ءجونiندەگi ۇلتتىق كوميسسيا تاراپىنان كوميسسيانىڭ اۋداندىق، وبلىستىق حاتشىلارىمەن بىرلەسە اۋقىمدى جۇمىستار جۇرگىزىلدى. «ساياساتكەر ايەلدەر كلۋبى» قۇرىلىپ، ىسكەر جانە ۇكىمەتتىك ەمەس ۇيىمدار، مەملەكەتتىك قىزمەت قاتارىنىنان بەلسەندى ءارى ەلدىڭ بولاشاعىنا بەي-جاي قارامايتىن ايەلدەردەن ساپالى قۇرام قالىپتاستىرىلدى»،-دەدى ر. سارسەمبايەۆا.