الماتى وبلىسىندا تىكۇشاق اپاتىنان قايتىس بولعان فەلدشەر گۇلنۇر حاميتوۆا ۇيالى تەلەفون ارقىلى جازعان ەڭ سوڭعى حاتىن ءوزىنىڭ اناسىنا جولداپتى، - دەپ حابارلايدى «قامشى» پورتالى 31-ارناعا سىلتەمە جاساپ.
16 ساعات 56 مينۋتتا گۇلنۇر حاميتوۆا اناسىنا بوراننان دالانىڭ كورىنبەي تۇرعانىن، قاتتى جەلدەن تىكۇشاقتىڭ ۇشۋى قيىنداعانىن جازعان. جانە تالدىقورعانعا جاقىنداپ قالعاندىعىن جەتكىزگەن. الايدا، 23 جاستاعى فەلشەردىڭ اناسى بۇل قىزىنىڭ ەڭ سوڭعى حاتى ەكەنىن بىلمەدى.
گۇلنۇر ءتىپتى اناسىنا ۆاتساپ جەلىسى ارقىلى اققان اۋرۋىنا شالدىققان ءسابيدىڭ سۋرەتىن دە ءتۇسىرىپ جىبەرگەن. وتكەن سەنبى كۇنى ينديرا بەكتۋللينا مارقۇم بولعان قىزىنىنىڭ دەنەسىن تۋعان جەرى اقسۋ اۋدانىنىڭ ورتالىعى جانسۇگىروۆ اۋىلىندا جەرلەدى. ءدال وسى ەلدىمەكەندە گۇلنۇر دۇنيەگە كەلگەن. اناسىنىڭ ايتۋىنشا، گۇلنۇردىڭ بار ارمانى اناسىنا ءۇي ساتىپ الىپ بەرىپ، تۇرمىسقا شىقسام دەپ، ءتىپتى قوناقتاردىڭ ءتىزىمىن دە جازىپ قويعان. گۇلنۇردىڭ اناسىنىڭ ايتۋىنشا، جالعىز قىزدارىن وقۋعا ءتۇسىرۋ ماقساتىندا باسىنداعى باسپانالارىن دا ساتقان كورىنەدى. بۇل جايت گۇلنۇردىڭ جانىنا باتىپ، ءار كەز اناسىنا ءۇي الىپ بەرەمىن دەپ بولاشاققا تالپىنىپتى. وكىنىشكە قاراي، وتباسىنىڭ جالعىز بالاسى فەلدشەر گۇلنۇردىڭ ارمانى ورىندالماي كەتتى. ايتا كەتەيىك، سارسەنبى كۇنى ءۇشارالدان ۇشىپ شىققان تىكۇشاق تالدىقورعانعا كەلۋى ءتيىس بولعان. الايدا، اۋە كەمەسى اپاتقا ۇشىراپ، ىشىندە بولعان بەس ادامنىڭ بارلىعى قايتىس بولعان.
ينديرا بەكدۋللينا، گۇلنۇر حاميتوۆانىڭ اناسى:
- ارمان دەگەن جەتەدى عوي. كۇيەۋگە تيەمىن دەيتىن. قايتسەم دە ساعان ءۇي الىپ بەرەمىن دەيتىن. مەن ايتامىن عوي، ءالى كىشكەنتايسىڭ دەسەم نە پەرەجيۆاي. نيكوگدا جىلاما ماما دەيتىن. مەن جىلاسام جىنى ۇستايتىن. «ۆسە بۋدەت حوروشو، بۋدەت حوروشو» دەيتىن. جالعىز قىزىم ەدى، سول ءۇشىن ءومىر سۇردىك.
