الماتىدا اربات ماڭىندا ورنالاسقان عيمارات ورتكە وراندى، - دەپ حابارلايدى «قامشى» پورتالى Tengrinews.kz-كە سىلتەمە جاساپ.
سايتتىڭ حابارلاۋىنشا تۇرعىن ۇيدەگى دۇكەننىڭ توبەسى ورتەنگەن. ءورت شالعان اۋماقتىڭ جالپى كولەمى 30 شارشى مەتردى قۇرايدى.
الماتى قالاىق تجد باسپا ءسوز قىزمەتى دە اتالعان وقيعانى راستاپ وتىر. باسپا ءسوز قىزمەتىنىڭ حابارلاۋىنشا، «101» نومىرىنە 2 اقپان كۇنى 20.19 ساعاتتا جىبەك جولى كوشەسىندەگى 81-ۇيدە ورنالاسقان دۇكەن ورتەنىپ جاتقاندىعى تۋرالى حابار تۇسكەن. بەس مينۋت شاماسىندا وقيعا ورنىنا جەتكەن ورتكە قارسى قىزمەت ماماندارى توعىز قاباتتى تۇرعىن ۇيگە جاپسارلاس سالىنعان «Mango» جانە «Gold Shop» دۇكەندەرىنىڭ جابىندىلارى جانىپ جاتقانىن انىقتاعان.
ءورتتى سوندىرۋگە 30 ادام مەن 7 تەحنيكا جۇمىلدىرىلعان. ءقاۋىپتى ايماقتان 52 ادام، ونىڭ ىشىندە 12 بالا ەۆاكۋاسيالانعان.
