El bolǵan soń ártúrli pikirdegi adamdar bolady. Atajurtqa  oralǵan qandastar týraly da kózqaras san alýan. Keıde júrekke qanjardaı qadalatyn aýyr sózder el aldynda júrgen úlken laýazym ıeleri tarapynan aıtyldy. Degenmen,  ol  eshqashan jalpy qazaq eliniń qandastarǵa degen kózqarasyn bildirmeıdi. Aǵat ketken sol sózder eldegi BAQ arqyly úlken synǵa ushyrady. Qazaqta «bıtke ókpelep tonyńdy ıtke tastama» degen ataly sóz bar. Endeshe, jat júrtqa urpaqty jáýteńdetip qaldyrýdyń jóni joq, ıt úredi, kerýen kóshedi. Bastysy, alystaǵy aǵaıyn urpaq máselesine beıjaı qaramaı, ata-babamyz kúl tókken kıeli mekendi betke alǵan jón dep bilemin.

Osy ýaqytqa deıin elge oralǵan qandastar Qazaqstan memleketiniń bólinbes bir bólshegine aınaldy. Ǵylym, bilim, óner, sport, ekonomıka t.b salada aıryqsha eńbek etip, máńgilik memleket qurý jolynda eńbek etip keledi.

Shákárim atamyz:

Esiń bar da eliń tap,

Barǵan da kirer jolyn tap,

Jaratqannyń qulysyń,

Jaǵatuǵyn jolyn tap, - degen eken!

Siz de, biz de Qazaqıanyń ıesimiz, ol úshin eń aldymen týǵan elge at basyn buryńyz!