Búgingi zaman talaby bilim men qabiletti, iskerlik qasıetterdi ashyp kórsete alatyn joǵarǵy dárejeli mamandardy qajet etedi. Ásirese keıingi kezderi jastarymyz sóıleý mádenıetinen aqsap, onyń ornyn túrli tehnıkalar basqan zamanda ásirese sheshendik ónerdiń qyr-syryn meńgerý máselesi –kókeıtesti problemalardyń biri bop tabylady. Sheshendik ónerdiń ózine ǵana tán erekshelikteri, qalyptasqan normasy, turaqtalǵan zańdylyqtary bar. Qandaı da bir ulttyń sóıleý tili jáne jazbasha stıl úshin saýattylyq óte mańyzdy. Belgili bir mekemede qyzmet barysynda pikirlesý, kelissóz júrgizý, jınalystar, dóńgelek ústel ótkizý úshin sheshendik ónerdi meńgerý- mańyzdy ról atqarady.
Órkenıet týyn kótergen elderdiń bárinde kórkem sóz óneriniń qudyretine bas ıgen. Shyǵys halyqtarynyń ishinde qytaı ulty jáne qazaq ulty sóz ónerin asa joǵary baǵalap, sheshendik ónerge baýlıtyn oıly ortasy men bilim ordalary bolǵanymen tarıhtan belgili. Halyq kóp jıylǵan ortada áserli sóz sóıleýdi dara tulǵaǵa tán qundylyq retinde tanyǵan shyǵys halyqtary sóz salmaǵynyń ózindik baǵasyn bilip, urpaqtarynyń osynaý sóz óneriniń qyr syrymen jan-jaqty tanystyryp, baýlyp otyrǵan. Kóneden bastaý alatyn ıgi dástúrdi búginde bizdiń bilim ordasy- ál Farabı atyndaǵy Shyǵystaný fakúltetiniń qytaıtaný kafedrasy ári qaraı damytý ústinde. Osy rette 2016 jyldyń aqpan aıynyń ekinshi juldyzynda ál-Farabı atyndaǵy Qazaq Ulttyq Ýnıversıteti Shyǵystaný fakúlteti qytaıtaný kafedrasy uıymdastyryp otyrǵan «Qytaı tili aptalyǵy aıasynda» qytaı tilinen sheshendik óner saıysy bolyp ótti.
Bul is-sharaǵa elimizdegi qytaı tilin oqıtyn oqý oryndarynan (Abaı atyndaǵy Qazaq Ulttyq pedagogıkalyq ýnıversıteti, Qazaq memlekettik qyzdar pedagogıka ýnıversıteti, AbylaıhanatyndaǵyQazHQjÁTÝ, D.A.Qonaev atyndaǵy ýnıversıtet t.b ) qytaı tili oqytýshylary, sondaı-aq atalǵan is-sharaǵa Chehıa Shyǵystaný ınstıtýtynyń qytaıtanýshy ǵalymdary – Aleksandr Klemısh jáne Vera Eksnerovalar qatysyp, bizdiń stýdentterdiń joǵarǵy bilim deńgeıin kórip, tánti boldy. Saıysqa qatysqan on segiz stýdenttiń ishinen top jarǵan 2 kýrs stýdenti Mýrzagellına Laýra « Meniń armanym» atty taqyrypta jazylǵan shyǵarmasymen kópshilik nazaryn birden jaýlap aldy. Saıys barysynda Konfýsıı ınstıtýtynyń mamandary men qytaıtaný kafedrasynyń beldi qytaı tili muǵalimderinen qurylǵan ádilqazylar alqasy negizinen, qytaı tilin oqyp jatqan stýdentteriniń taqyrypty asha bilý qabiletine, qytaı tiliniń dybystalýyna, suraqtarǵa durys jáne utymdy jaýap berýine, kópshilik ortada ózin ózi ustaı bilý mádenıetine basty nazar aýdardy. Saıys sońynda stýdentter shaǵyn konsert kórstetti. Bilim deńgeımen alys jaqyn shetelden kelgen qonaqtardy tań qaldyrǵan shákirttermiz úshin úlken maqtanysh sezimge ıe bolǵan ustazdar qaýymy óz qýanyshtaryn jasyra almady. Álemdegi eń qıyn tilderdiń biri bop sanalatyn – qytaı tilin eki jyl ishinde tereń meńgergen stýdentterimizdiń baǵyndyrar bıigi áli alda dep senemiz.
Aıda Kenjebaeva
Ál-Farabı atyndaǵy shyǵystaný fakúlteti qytaıtaný kafedrasynyń dosenti
