Ushttyq valútanyń quldyraýy, valúta naryǵyndaǵy ahýal týraly «Kapıtal» isker aqparat ortalyǵyna «BCC Invest» AQ-y koroporatıvtik qatynastar departamentiniń basshysy Nurǵalı Nurmahambetov aıtyp bergen. Sarapshy teńgeniń quldyraýynyń bir sebebi retinde Reseı rýbliniń qunsyzdanýyn ataıdy, - dep habarlaıdy «Qamshy» portaly.

«Valúta naryǵyna boljam jasaý, qandaı da bir pikir bildirý qıyn. Bul naryqty kim basqaryp otyrǵanyn bilý úshin, teńgeniń burynǵy baǵamyn qalpyna keltirý múmkindigin túsiný úshin mynadaı birneshe suraqqa jaýap izdeý kerek sıaqty. Teńgeniń quldyraýyna ne yqpal etip otyr? nege ol devalvasıaǵa ushyrady? Kimge dollar kerek? Nege ony elder jappaı satyp alýda? Osy suraqtar tóńireginde oılansaq biraz nárseni túsinesiz», - deıdi sarapshy.

Ekinshi másele – azamattardyń jınaqtaryn qaı valútamen saqtaıtyny. Bizdiń biletinimiz, eldiń kóbi aqshasyn erkin konvertasıalanatyn dollarmen saqtaıdy. Iaǵnı, dollar Aýǵanstannan Amerıkaǵa deıingi biraz elderde erkin qoldanylady. Sol sebepti, kez kelgen valútanyń quny onyń qajettiligine, qoldaný qolaılylyǵyna baılanysty qalyptasady.

«Meniń oıymsha, buǵan kóptegen sarapshylar túrli baǵa beredi, teńgege Reseıdiń qysymy qatty bolyp otyr. Nege deısiz be? Eger rúbl Reseıde 50 paıyzǵa qunsyzdanyp, bizde olaı qunsyzdanbasa, kez kelgen adam teńgesin dollarǵa aıyrbastap, Reseıge baryp ol dollarǵa rúbl satyp alady. Sol aqshamen 50 paıyz arzanǵa keregin satyp alady. Eki el arasynda kedendik shekteýdiń joqtyǵyn eskersek, bundaı jaǵdaılardyń múmkindigi zor. Sondyqtan, jurt jappaı dollar satyp alýda. Halyq jáne dollardy júzdep emes, myńdap emes, tipti, mıllıondap emes, mıllıardtap satyp alýda. Árbirimizdiń Reseıden kólik alyp kelgen birneshe tanysymyz bar. qysym degen – osy», - deıdi Nurǵalı Nurmahambetov.

Nurǵalı Nurmahambetov sonymen qatar, Qazaqstanda dollardyń qoldan-qolǵa ótýine spekýlánttardyń da sebepker bolǵanyn aıtady. Solardyń kesirinen azamattar teńgemen jınaǵan aqshalaryn túgel dollarǵa almastyryp aldy. Biraq, barlyǵy olardyń oılaǵandaryndaı bola qoımady. Buryn tek qymbattaýmen ǵana kózge túsken dollar baǵamynyń tómen de quldyraıtynyn kórip otyrmyz.

Soǵan oraı, sarapshy teńgeniń dáýiri áli alda ekenine senimdi. Ulttyq valúta týraly aıta otyryp, ol teńgege senimdi qaıtarý úshin odan túsetin paıda bolý kerektigin aıtady.

«Bar bolǵany adam teńgeni qoldanǵan paıdaly ma, paıdasyz ba, sony túsinýi kerek. Ol úshin biz teńgeni qoldana otyryp, eshteńeden utylmaıtynymyzdy, ózimizdiń satyp alý múmkindikterimizdi joǵaltpaıtynymyzdy túsinýimiz kerek. Onyń ústine qazir teńgemen ashylatyn depozıtterdiń kirisi joǵarylap keledi. Ulttyq valútany qoldaý degen osy. Alda da solaı bola beredi. Teńge eshqaıda joǵalyp ketpeıdi. Árbir adam dúkennen teńgemen saýda jasaıdy. Al, eger saýda oryndarynda el sheteldik valútamen saýdalasatyn jaǵdaı týsa, onda ulttyq valútaǵa naǵyz qaýip tóngeni», - dep sanaıdy N. Nurmahambetov.