Búgin İshki ister mınıstriniń orynbasary Erlan Tuǵynbaev aldaǵy ýaqytta Halyqqa qyzmet kórsetý ortalyqtary arqyly synaq tapsyryp, júrgizýshi kýáligin alýǵa bolatynyn. Ol úshin arnaıy kýrstan ótýdiń qajet emestigin málimdedi. Bul týraly «Qamshy» portaly habarlaıdy.

Onyń aıtýynsha, júrgizýshilerdi óz betimen daıyndaý júıesi engizilýde kórinedi. Motokólik jáne jeńil avtomobıl júrgizý quqyǵyn beretin kýálikti arnaıy HQO arqyly synaq tapsyryp, alýǵa bolady.

«Jol erejesin úıde óz betińizben úırenip, eger tájirıbelik mashyqtaryńyz burynnan bar bolsa, teorıalyq emtıhan tapsyra alasyz. Arnaıy HQO-ǵa baryp, tájirıbelik synaqtan ótesiz. Onda osyǵan arnalǵan kólikter bar. Eger synaqtardy múltiksiz tapsyrsańyz, arnaıy kýrsta oqymaı-aq kýálik ala alasyz. Bul júıe sáýir aıynda iske qosylady», - deıdi ol.