Telearnalardyń jabylyp jatqanyna ishińiz ashyp otyr ma? Menińshe bul úrdis áli jalǵasady. Buǵan basty sebep ınternet resýrstardyń yqpaly. Qazirdiń ózinde áleýmettik jeli men saıttar aqparat taratý jaǵynan telearnalardan ozyp tur. Biraq telearnalar áli de eń yqpaldy qural. Biraq, sol yqpaly kún sanap azaıyp keledi. Eń yqpaldy bolýyna sebep – qazaqstandyqtar áli de tolyqtaı aqparatty ınternetten alyp otyrǵan joq. Basym bóligi aqparatty telearnalardan alady. Yqpalynyń azaıyp kele jatýyna sebep jańalyqtardy á/j men saıttar jyldam taratqan soń, ony telearnalardaǵy jańalyqtan qaıtalap kórý qajettiligi joq. Men mysaly keshkisin úıge kúni boıy á/j men saıttardan oqyǵan jańalyqqa «toıyp» baramyn. Keshkisin tek kóńil kóteretin birdeme kórgendi qalaımyn. Biraq, ol da joq) Sondyqtan, telearnalar oıyn-saýyqtyq baǵdarlamalarǵa bet bura bastady. Bul úrdis ınternet qoldanýshylar kóbeıgen saıyn jalǵasady. Uzaqtaý merizimdi bolashaqta tek jańalyq taratatyn memlekettik bir nemese eki arna ǵana qalýy múmkin. Al, qalǵan arnalar arasynda básekelestik artady, odan reıtıńi myqtylary ǵana qalady. Qalǵandary gýd-baı. Oıyn-saýyqtyq baǵdarlamany kórsetýde telearnalarǵa ınternet básekeles bolatyndyǵyn taǵy eskerińiz. Internet resýrstardyń yqpaly kúsheıgen saıyn ıdeologıa quraly rólin de ózine ala bastady. Gazetterdiń múldem jabylyp nemese saıtqa aınala bastaýy da sonyń kórinisi. Alaıda taǵy sol ınternetti jappaı qoldaný deńgeıiniń tómendiginen BAQ áli de bolsa, ıdeologıa quraly. Sondyqtan, memleket áli de dástúrli BAQ-qa, onyń ishinde qazaq tildi BAQ-qa qarjylaı qoldaý bildirip otyr. Ókinishke qaraı munyń keri áseri BAQ-y básekege qabiletti kontent usynyp otyrǵan joq. Tek «tapsyrys berýshiniń» tapsyrysyn oryndap qana otyr. Eger dástúrli BAQ-tyń ıdeologıa quraly retindegi róli azaıa bastasa, memleket qarjylaı qoldaýdy toqtatady. Onda qazaq tildi BAQ-tyń 99 paıyzy jabylyp tynady. Redaksıalar memleketten aqsha alýdy emes, qazirden-aq bıznes kózine aınaldyrýdy oılastyra bastaýy kerek. Jýrnalıser mýltımedıany, tildi meńgerýge kúsh salǵany durys. Gazetter memleketten emes, oqyrmannan «aqsha alǵysy» kelse, ónimin túrlentip berýge kúsh salýy kerek. Ónimdi túrlentip berý úshin til bilmeımin dep taǵy otyra almaısyń. Sarapshynyń kóbi ózge tildi. Kórshiniń tilin jek kórseń aǵylshyn tilin úıren de, solardan pikir al. BAQ qurǵaq, zerttelmegen aqparat, maqala, suhbat qana emes, aýdıo, vıdeo, ınfografıka túrinde aqparat tarata alýy kerek. Qazaqstandyq jýrnalısıkany, jýrnalıserdi ál talaı ózgeris kútip tur. Óz basym BAQ-dyń ashylý, jabylýlaryna tańqalmaımyn.