"Ulttardyń ózara jaqyndasýy" degendi keıbireýler tek shaǵyn ulttardyń orystarǵa nemese qytaılarǵa jaqyndasýy dep túsinetin sıaqty. Qaı ult óziniń tilin, dástúrin erterek joıyp orystaný, qytaılaný jolyna tússe, olarsha sol ult "jaqyndasýǵa, ınternasıonaldanýǵa" bet túzegen bolyp madaqtalady. "Jaqyndasý" degen, eń aldymen KSRO-da oryspen, KHR-da qytaımen jaqyndasý, ózin ózi joıyp jiberý jolyndaǵy qasyretti kúnderdi jylap turyp kútip alýǵa zorlap kóndirý degen sóz. Ádildigin, qudaıshyldyǵyn aıtar bolsaq, orystar da, qytaılar da basqa halyqtarǵa adaldyqpen jaqyndasýy kerek qoı. Óńmeńdegen, ozbyrlana, óktemdikpen kımeleı jaqyndaýdan ne shyǵady? qazirgi jaǵydaıda"Sen maǵan jaqyndasýǵa mindettisiń, al men saǵan jaqyndasýǵa mindetti emespindi" ǵana kórip otyrmyz. Shyntýaıtqa kelgende, sóz oınatýdy, saıası quıtyrqylyqty qaıyryp qoıyp, shyndyqtyń betine týra qaraı alsaq, zor, óktem bıleýshi ult pen bodan, kirme ulttyń arasynda eshqashan da, esh jerde de teńdik bolǵan emes, ári bolmaıdy da. tarıhtyń biz kórip- bilgen shyndyǵy osy, qalǵandarynyń bári- tek surqıa nasıhattyq dańǵaza ǵana!