Qazaq-qytaı shekarasyndaǵy ótken aptada órtenip ketken «Arqankergen» beketine sonda qyzmet etken shekarashylardyń biri keldi. Qazaqstan kúshtik qurylymdarynyń derekkózine súıensek, tiri qalǵan áskerı qyzmetker Reseı azamaty eken.
«Argýmenty ı fakty» habarlaǵandaı, jergilikti turǵyndar sarbazdyń beketke taý jaqtan kelgenin aıtady. Olar birden dáriger shaqyryp, sarbaz aýrýhanaǵa jetkizilgen. Ol jerge tergeýshiler kelip, máseleniń mán-jaıyn anyqtaýdy bastady.
Respýblıkanyń quqyq qorǵaý organdarynyń aqparatyna qaraǵanda, tekserý kezinde áskerı qyzmetkerden tapansha tabyldy. Derekkózdiń málimetinshe, sarbaz ózin birtúrli ustaǵandyqtan, dárigerler onyń psıhıkasynyń buzylǵanyna kúmándanbaǵan kórinedi.
Qazir áskerı qyzmetker 15 adamnyń ólimine sebepshi birden-bir kúdikti bolyp otyr. Aldyn ala nusqaǵa qaraǵanda, áriptesterimen zańsyz qarym-qatynastardyń oryn alýy tótenshe jaǵdaıdyń sebebine negiz bolýy yqtımal.
Pikir qaldyrý