Sońǵy kezderi qazaq qyzdarynyń sheteldikterge turmysqa shyǵýy jıi kóriniske aınaldy. Osy oraıda ztb.kz saıty sheteldikterdiń qazaq qyzdarynyń júregin qandaı aılamen jaýlap alatynyn jarıa etti dep habarlaıdy Qamshy.kz Nur.kz –ke silteme jasap.
Sonymen, dala qyzymen qarym-qatynas ornatýda sheteldikter neden aýlaq bolýy tıis?
1. Borat týraly ázildeı kórmeńiz
Siz ol fılmdi kórip, ony qyzyqty dep tapsańyz da, qazaq qyzdary Borat fılmin Qazaqstanmen baılanystyrǵandy jaqtyrmaıdy. Ony aıtsańyz boıjetkenniń aldynda deńgeıińiz lezde túsip ketedi. Tipti bul ázilińizge ol tek mádenıettilik saqtap, kúle saldy dep aıtýǵa bolady.
2. Onyń esimin durys aıtyńyz
Qyzdyń esimi 90 paıyzǵa kúrdeli bolsa da, ony durys aıtyp turǵanyńyzǵa kóz jetkizińiz. Esimi nendeı maǵyna beretinin de surasańyz artyq etpeıdi.
Al eger boıjetken súıiktińizge aınalsa jáne esimin durys ataýǵa áli de qınalyp júrseńiz, oǵan "janym" deseńiz de bolady.
3. Birinshi bolyp qadam jasańyz
Ol sizge essiz ǵashyq bolsa da, ony bildirmeýge tyrysady. Qazaq qyzy úshin ar-uıat qashan da birinshi orynda. Ol óziniń qunyn túsirmeıdi jáne sizdiń birinshi bolyp qadam jasaǵanyńyzdy kútedi. Er adamsha áreket etińiz. Jáne gúl syılaýdy da umytpańyz.
4. Ózińizdi durys ustańyz
Qazaq qyzynyń kózinshe jaman ádetterińizdi kórsetpeýge tyrysyńyz. Ol sizden esik ashyp, qurmetpen kafe oryndyǵyna jaıǵastyrýyńyzdy kútedi.
5. 15 mınýt = 60 mınýt
Qazaq qyzymen kezdesetin kúni ony 15 mınýttan artyq ýaqyt kútýge daıyn bolyńyz. Sebebi, ol sizben kezdesý úshin sándelýdiń ózine birtalaı ýaqytyn jumsaıdy.
6. Jylqy, endigi siz úshin úı janýary emes
Qazaqtar jylqy etinen taǵam jegendi unatady. Sol sebepti, jylqy etinen beshbarmaq jeýge daıyndala berińiz. Qymyzdy da ishýge týra keledi.
7. Bir kórgennen siz onyń ishki jan-dúnıesine úńile almaısyz
Bir qaraǵanda, qazaq qyzy ózimshil, keýdesi jerge tımeıtin boıjetken sekildi kórinedi. Alaıda olar shynaıy jaıdarly ishki jan-dúnıesin sizdi tek ábden tanyp bilgende ǵana kórsete bastaıdy. Sol sebepti, birden ol týraly oı túıýge asyqpańyz.
8. Keshki asqa mindetti túrde siz tóleısiz
Qazaq qyzdary er adamdy asyraýshy retinde qabyldaıdy. Al ózderin úı sharýasyn qadaǵalaýǵa mindetti jan dep biledi. Qazaq qyzy siz suramaı jatyp, kıimińizdi útikteıdi, súıikti taǵamyńyzdy ázirlep, sizge bar mahabbatyn arnaıdy. Alaıda, áńgime kezdesý men keshki asqa kelgende, "eýropalyq úlgimen, shyǵyndy ekeýlep tóleıik" degen áńgimeńizdi oń qabyldaı qoımaıdy. Siz shaqyrdyńyz ba, onda siz tóleýge mindettisiz.
9. Aqyly kórkine saı
Qazaq qyzdarynyń arasynan saýaty joǵyn kezkitirý múmkin emes. Ol keminde bakalavr dárejesin alyp shyǵady. Úsh til bilýi de ǵajap emes. Ol kitap oqyp, óner, ádebıet pen tarıhtan kózi ashyq bolady. Bul oraıda, sizdiń de aqylyńyz odan kem túspeýi kerek.
10. Sporttan habaryńyz bolýy kerek ári boıjetkenge qorǵan bola alýyńyz mańyzdy
Gennadıı Golovkın týraly estimedińiz be? Onda ýaqyt joǵaltpaı, sport salasyn tanyp-bilýge asyǵyńyz. Qazaq erleri mindetti túrde bir sport túrine den qoıyp, súıiktisine qorǵan bola alatyndaı ózderin shynyqtyrady. Siz olardan qalys qalmaýyńyz kerek.
11. Qazaqstan týraly kóbirek bilýge tyrysyńyz
Qazaqstan jer úlkendiginen álem boıynsha toǵyzynshy orynda ekendigin bilesiz be? Al Qazaqstan álemdegi eń iri ǵarysh aılaǵynyń otany ekeninen qanshalyqty habardarsyz? Siz bilýińiz tıis dúnıeler jetip-artylady. Qazaqstan týraly azyn-aýlaq bolsa da biletinińiz onyń kóńilinen shyǵary anyq.
12. Tájirıbe jasaýdan qoryqpańyz
Qazaqstan - kóshpendilerdiń eli. Jańa jerdi zerttep, jańa dúnıelerge úırený qazaq qyzynyń qanynda bar. Sol sebepti, shytyrman saıahatqa birge baryp, jańa taǵam túrlerinen birge dám tatýdan bas tartpańyz.
