Irakta tórt lańkes Chempıondar lıgasynyń fınalyn kórip otyrǵan madrıdtik "Real" fýtbol klýbynyń 12 jankúıerin óltirgen, - dep habarlaıdy Qamshy.kz Tengrinews.kz-ke silteme jasap.

Lańkestik áreket Baǵdat qalasynan soltústik-shyǵysqa qaraı 50 shaqyrym jerdegi Bakýba qalasynda bolǵan. Lańkester mach ótip jatqan jerge basa kóktep kirip, avtomatpen ata bastaǵan. Alǵashqy málimet boıynsha, 12 adam qaza taýyp, al segiz adam jaraqat alyp, aýrýhanaǵa jetkizildi. Basqa derekkózderiniń málimetinshe, bes adam qaza taýyp, tórt adam jaraqat alǵan. Qaza tapqandardyń jasy 18-30 aralyǵynda.

Shabýyl jasaǵan lańkester oqıǵa ornynan jasyrynǵan, eshqaısysyn ustamaǵan. El bıligi bul atysty lańkestik DAISH uıymynyń isi dep otyr. Osy aıda osyǵan uqsas lankestik áreketterdiń nátıjesinde Bakýba qalasynda ótken fýtbol machynda 16 adam qaza tapty, olardyń 12-si "Real" fýtbol klýbynyń jankúıerleri, taǵy 20 adam jaraqat alǵan.