Aqmola oblysynyń ortalyǵyndaǵy aeroport mamandandyrylǵan ákimgershilik sotynyń sheshimimen birneshe kúnnen beri jabyq tur. Bul týraly oblystyq sot baspasóz qyzmeti habarlaıdy.
Sot qalanyń áýe qaqpasyn 10 kún merzimge japqan bolatyn. Oblystyq sottyń baspasóz qyzmeti habarlaǵandaı, sottyń aeroporttyń ıesi bolyp tabylatyn «Kókshetaý avıakompanıasy» AQ is-áreketin toqtatý týraly sheshimi avıasıalyq qaýipsizdik talaptarynyń buzylýyna baılanysty 1 aqpanda qabyldanǵan.
Memlekettik baqylaý jáne tekserý organdarynyń zańdy talaptaryn, usynystaryn, qaýlylaryn oryndamaǵandary úshin avıakompanıanyń laýazymdy tulǵalaryna 200 esepti aılyq kóleminde aıyp pul salynǵan. Sonymen birge aeroporttyń jumysy 10 kúnge toqtatylǵan. Bul shara 20 mamyrdan bastaldy. Endi búgin 30 mamyr kúni áýe qaqpasy qaıtadan óziniń jumysyn jalǵastyrady.
