Keıbir BAQ-ta taraǵan «MS Saılaýbekti belgisiz bireýler atyp ketti» degen aqparat jalǵan bolyp shyqty, - dep habarlaıdy Qamshy.kz.

İshki ister departamenti taraǵan aqparat boıynsha tekseris is-sharalaryn júrgizdi. Tekseris nátıjesinde anyqtalǵandaı, joǵaryda atalǵan azamat qalanyń medısınalyq mekemelerine qaralmaǵan. Qazirgi ýaqytta istiń mán-jaıy tekserilýde. Aqparatttyq saıttarda taraǵan málimetter rastalsa, odan ári QR zańnamasyna sáıkes sharalar qoldanylady.  İshki ister departamentiniń ókilderi ázirge jalǵan aqparat taratpaýdy surap otyr.

Aıta keteıik, buǵan deıin keıbir aqparattyq portaldar Almaty túngi klýbtarynyń birinde reper MS Saılaýbekti belgisiz bireýler atyp ketip, izin jasyrǵanyn jazǵan bolatyn. Sondaı-aq, reperdiń prodúseri Aslan Baqytjanovqa silteme jasap, onyń aýrýhanaǵa jetkizilgeni týraly aqparat taraǵan.

Aıta keteıik, makeup_almaty ınstagram paraqshasynda vızajıstter MS Saılaýbektiń qanǵa boıalǵan vıdeolaryn júktegen bolatyn.