Astana qalasy Qoǵamdyq keńesiniń otyrysynda aqyly kólik turaqtary máselesi qaraldy. Birinshi kezeń aıasynda sol jaǵalaýda kólikke arnalǵan 910 oryn qamtylady, - dep habarlaıdy Qamshy.kz Astana qalasynyń ákimdigine silteme jasap.
Qazirgi kezde aqyly turaqty paıdalanǵany úshin bazalyq tarıfti bekitý týraly qaýly ázirlenip jatyr. Esepteýler boıynsha ol 182 teńgeni quraýy tıis, biraq áleýmettik mańyzdylyǵyn eskere kele, saǵatyna 150 teńgeden belgileý usynylyp otyr. Múgedektigi bar adamdar turaqty tegin paıdalanady.
-Búgingi tańda qalada táýligine 400 myńǵa jýyq kólik tirkeledi, sondaı-aq, elordaǵa alty baǵyttan táýligine 74 myńǵa jýyq kólik keledi, bul kólik qoıý jaǵdaılaryn qıyndatyp, kólik keptelisterin jáne t.b. jaǵdaılardy týdyrady. Trafıkti eń tıimdi shekteýdiń joldarynyń biri qala kirýdi aqyly etý bolyp tabylady. Biz qala aýmaǵynda kóshelerdiń belgili bir ýchaskelerin aqyly qylýdy usynamyz, - dedi qalalyq Jolaýshylar kóligi basqarmasynyń basshysy Edil Súleımenov.
Naqty qaı ýchaskelerdiń aqyly bolatyny ázirge belgisiz. Qoǵamdyq keńes músheleri osy máselege qatysty kóp eskertý jasap, sógis aıtty. Osyǵan baılanysty aqyly turaqtar jobasy boıynsha Qosymsha qujattar, túsindirmeler, syzbalar suratyp, máseleni Qoǵamdyq keńestiń kelesi otyrysynda qaraý týraly sheshim qabyldandy. Qalaǵa kirýdi aqyly etý boıynsha eshqandaı qorytyndy shyǵarylǵan joq.
Súıleımenovtyń aıtýynsha, qazirgi kezde 86 qalalyq marshrýttyń 64-i shyǵyndy bolyp keledi, 90 teńgelik tarıf 2014 jyly engizilgen, sáıkesinshe, eki jylda ekonomıkalyq jaǵdaı ózgerdi. Sondyqtan tarıfti kótermeý úshin sýbsıdıalaý kerek.
