Almatyda saıası qýǵyn-súrgin qurbandaryna eskertkish qoıylady. Almaty ákimi Baýyrjan Baıbek búgin saıası qýǵyn-súrgin qurbandaryn eske alýǵa arnalǵan jıynda osylaı dep málimdedi. Bul týraly Qamshy.kz habarlaıdy.
Asharshylyq zardaby men saıası qýǵyn-súrgin týraly sóz alǵan Baýyrjan Baıbek búgingi beıbit ómirimizdiń, elimizdiń gúldenýiniń bir kepili keshegi Alash qaıratkerleriniń jankeshti qyzmeti ekenin aıta kelip, jaqynda Almatyda Naýryzbaı batyr men Qabanbaı batyr kósheleriniń qıylysyndaǵy saıabaqta saıası qýǵyn-súrgin qurbandaryna eskertkish ornatylatynyn málimdedi.
«Elbasynyń tapsyrmasymen Almatydaǵy Qaraǵaıly saıabaǵyna záýlim eskertkish turǵyzylatyn boldy. Táýelsizdiktiń 25 jyldyǵyn merekeleý aıasynda eskertkish jobasyna baıqaý jarıalanady», - dedi qala basshysy.
Qala ákiminiń bul málimdemesin is-sharaǵa jınalǵan jurtshylyq jyly qabyldady.
«Biz jıyrma jyldan beri talap etip kele jatqan másele búgin naqty sheshilgenine kýá bolyp otyrmyz. Bul – úlken jeńis. Saıası qýǵyn-súrgin men asharshylyqtyń tarıhymyzda alar orny zor. Ol halyq sanasynan óshpeýi kerek. Azamattardyń endigi mindeti Astanadaǵydaı, Almatydaǵy Mırzoıan kóshesiniń atyn ózgertýge qol jetkizý», - deıdi saıasatker Muhtar Taıjan. Saıasatker sondaı-aq, asharshylyq pen saıası qýǵyn-súrgin qurbandaryna quqyqtyq mártebe beretin arnaıy zań qabyldaýdyń da kún tártibinen túspeıtinin atap ótti.
Saıası qýǵyn-súrgin qurbandaryn eske alýge arnalǵan jıynǵa Muhtar Shahanov, Smaǵul Elýbaı bastaǵan zıaly qaýym ókilderi, qoǵamdyq-saıası uıymdardyń jetekshileri, belsendi azamattar qatysty.
Qalada osy qaraly kúnge arnalǵan is-sharalar áli jalǵasýda. Qazir Almaty qalasynyń Ortalyq meshitinde qurbandar rýhyna quran baǵyshtalyp, «Juldyz» meıramhanasynda as beriledi.
Sondaı-aq, osy is-shara aıasynda azamattyq belsendiler men jýrnalıserge táýelsiz "Azattyq" syılyǵyn tabystaý rásimi ótýde.
