"Kelin" telehıkaıasynyń juldyzy, úndi akteri Sıddharth Shýkla qazaqstandyq "Bıznes po-kazahskı" fılmine túsedi, - dep habarlaıdy Qamshy.kz Tengrinews.kz-ke silteme jasap.
Akter taıaý ýaqytta Almatyǵa túsirilim alańyna keledi.
Ideıa avtory jáne fılm prodúseri - áıgili shoýmen, telejúrgizýshi Nurlan Qoıanbaev. Ol ózi lentada basty rolderdiń birinde oınaıdy. Fılmdi mýzykant ári klıpmeıker Jeńisqan Momyshev túsirip jatyr. Kartınada Ábýnasyr Serikov, Jan Baıjanbaev ("Reketır"), Maks Akbarov "Qyzǵylt qoıan týraly ertegi", Gúlnaz Jolanova ("Mahabbatym júregimde"), Quralaı Ánýarbekova ("Jaýjúrek myń bala") da oınaıdy.
Túsirilim jumystary mamyr aıynda bastaldy, maýsymnyń sońyna qaraı bitedi dep josparlanyp otyr. Bıznestiń qyry men syryn, qıyndyǵy men qyzyǵyn aıshyqtaıtyn komedıalyq janrdaǵy fılm ústimizdegi jyldyń kúz aılarynda otandyq kınoprakatqa shyǵady dep josparlanyp otyr.
