«Kimde-kim bir baýyryn istegen kúnásyna baılanysty kinálasa, sol kúnáni ózi istemeı ólmeıdi»,- deıdi (Tırmızı «Qıamet», 53/2505).
Adamdar aqıret kúni barsha amaldaryna, aýzynan shyqqan árbir sózine, istegen kúnási men istemegen izgi amaldarynyń esebin beredi. Osy aýyr azap kúni kelmeı turyp, árkim istegenderin eseptep-tarazylaýy kerek. Óıtkeni: «Esepke tartylmaı turyp, ózderińdi esepke tartyńdar» (Tırmızı «Qıamet», 25/2459),- degen. Sol bir mashaqaty men qaıǵysy mol kúndi eske ala otyryp, amal dápterimizdiń betterin adamdardan keshirim surap, tazalap alǵanymyz jón. Alla Taǵalaǵa adamdardyń barlyǵynyń bir tilde sóıleıtin sol kúnniń jaǵdaıyn bylaısha túsindiredi:
«Adamdar úreıli qıamet kúninde ózderine asa qajet bolsa da, saýaptaryn jalǵan dúnıede artynan ósek aıtqan adamdarǵa beredi. Eger, oǵan beretin saýaby qalmasa, sol adamnyń kúnálaryn moınyna alady».
Alla Elshisi (Oǵan Allanyń ıgiligi men sálemi bolsyn)óz hadısinde:
-- Múflıstiń kim ekenin bilesińder me?, - dep surady bir kúni sahabalarynan. Olar:
- Múflıs aqshasy, mal-múlki joq adam ǵoı, - dep jaýap bergende Paıǵambarymyz (Oǵan Allanyń ıgiligi men sálemi bolsyn):
- Ol qıamet kúni namaz, oraza jáne zeket saýaptarymen qatar, amal dápterinde anany mazaqtady, mynaǵan jala japty, bireýdiń mal-múlkin jep, ekinshisin uryp-soqty dep jazylyp, ózgelerdiń kúnálaryn arqalap kelgen adam. Onyń istegen jaqsylyqtarynyń saýabynan anaǵan mynaǵan óteledi. Eger moınyndaǵy qaryzdar bitpeı turyp, ǵıbadattary men istegen jaqsylyqtarynyń saýaby taýsylsa, olardyń kúnálarynan alady, tozaqqa tastalady»,- dep jaýap berdi.
Osyǵan oraı hazreti Hasan Basrı bylaı degen:
«Eger ósek aıtqyń kelip qınalyp bara jatsań, ata-anańdy ósekte!.. Eń bolmaǵanda aqırette saýabyń olarǵa berilsin. Nemese olardyń kúnásin alasyń!..».
«Myna dúnıeniń ósegi tozań sıaqty. Jan dúnıeńniń aınasyn jaýyp qalady. Sen aqyl-esińdi jına da, úndemeı júrýdi ádetke aınaldyr»,- deıdi ǵulama Máýlana.
Allanyń meıirimine bólenip, erekshe qýanyshqa kenelgisi keletinderdiń ereksheligi ózderine qarsy istelgen neshe túrli qastandyqtarǵa keshirimmen qaraýynda. Óıtkeni, keshirim berý arqyly ózimizdiń keshirilýimizge jol ashamyz.
Ýa, Rabbym! Kóńilimiz ben tilimiz Allanyń hıkmeti men syrlarynyń aınasy bolsyn. Ol jerden barsha jaratylys ataýlyǵa meıirim-shapaǵat, keshirim, ıgilik pen jaqsylyq jaıylsyn!..
Bizdi dúnıeniń nyǵmetinen quralaqan qalyp, aqırette jarlynyń kúıin keshetin quldarynyń qataryna qosylýdan saqtaı gór!
Ámın...
Derekkóz: mazhab.kz
