Tarazda 8 jastaǵy qyz 4-shi qabattan qulap ketti, - dep habarlaıdy Qamshy.kz KTK arnasyna silteme jasap. 

Ekinshi synyp oqýshysy jerge ońbaı túskenimen, qudaı saqtap aman qalǵan. Qatty jaraqat alǵan ol qazir aýrýhanada jatyr.

-Týra myna jerde jatty. Mynaý jatyn bólme ǵoı. Aldynda jańbyr jaýǵan, bala bylaı qulaǵan.

Shamamen 10 metr bıiktikten qulaǵan qyzdy jerde talyp jatqan jerinen eń alǵash birinshi qabattaǵy turǵyn kórip, dereý jedel járdem shaqyrǵan. Aıtýynsha, eseńgirep jatqan oqýshy et qyzýymen alǵan jaraqatyn sezinbegen. Onyń beli tósek jaımasymen býylǵan eken. Qazir perishtesi qaqqan jetkinshek balalar aýrýhanasynda jatyr. Alǵash túskende onyń hali aýyr bolǵanymen, qazir turaqty. Dárigerler naýqastyń mıy shaıqalyp, omyrtqasyn zaqymdaǵanyn aıtady. Endi on kúnde qulan taza aıyǵyp ketýi múmkin. El arasynda Aıagózdi álde bireý ádeıi laqtyryp jibergen degen qaýeset aıtylýda. Alaıda, jetkinshektiń jaqyndary Aıagóz ápkesimen oınap júrip abaısyzda qulap ketken dep otyr. 8 jastaǵy oqýshy úıinde 11 jastaǵy bólesi jáne naǵashy atasymen birge bolǵan eken.