Bıyl Qostanaı oblysynda tekserýden ótken 280 myń bas iri qara maldyń 3212-si brýselezge shaldyqqany anyqtaldy. Tekserilgen 332 myń usaq maldyń 69-y aýyrady, - dep habarlaıdy Qamshy.kz Alau.kz -ke silteme jasap.

Mal dárigerligi basqarmasynyń basshysy Berikjan Qaıypbaıdyń aıtýynsha, aýrýdyń negizgi sebebi veterınarıalyq-sanıtarlyq talaptardyń saqtalmaýynan jáne vedimistik veterınarıalyq qyzmetti uıymdastyrýdyń nasharlyǵynan bolyp otyr.

Jangeldın aýdanyndaǵy iri qara maldyń brýselezben aýyrý deńgeıi 2 jarym esege, Amangeldi aýdanyndaǵy juǵý 6 esege azaıǵan.

İQM sharýashylyǵy qurylymdarynda brýselezge qarsy vaksınalardy baqylaýsyz qoldaný -  iri qara mal brýselezine qatysty jaǵdaıdyń nasharlaý faktorlarynyń biri bolyp otyr.  

Bolǵan jaǵdaıǵa baılanysty, oblys ákimi orynbasarynyń tapsyrmasymen mal brýselezi keń taraǵan aýdandarǵa ádistemelik jáne praktıkalyq kómek kórsetý úshin tájirıbeli mamandar jiberildi.