“Ál-Kaıdanyń” burynǵy lıderi Ýsama ben Ladenniń uly Hamza ben Laden ınternette jarıalaǵan aýdıo úndeýinde AQSH-tan ákesiniń kegin alatynyn aıtqan. Bul týraly aqparatty úkimettik emes SITE Intelligence Group uıymy taratty» dep jazady «Azattyq» radıosynyń aqparattyq saıty.

“Biz – bárimiz Ýsama” atty 20 mınýttyq aýdıo úndeýde Hamza AQSH pen onyń odaqtastaryna qarsy kúresti jalǵastyra beretinin, onyń jaqtastary AQSH terıtorıasy men basqa shetelderge de soqqy jasaıtynyn aıtqan.

Hamza ben Laden óz úndeýinde “Palestına, Aýǵanstan, Sırıa, Irak, Iemen, Somalı jáne basqa musylman jerleri úshin de kek alatynyn” málimdegen.

2001 jylǵy 11 qyrkúıektegi lańkestikti uıymdastyrdy dep aıyptalǵan Ýsama ben Laden 2011 jyly Pákistanda AQSH áskerıleriniń arnaıy operasıasy kezinde qaza tapqan.