Ulybrıtanıanyń Premer-mınıstr laýazymyna eki áıel úmitker. Ázirshe basymdyq İİM basshysy Tereza Meıde. Onyń básekelesi Andrea Lıdsom da qalysaıyn dep turǵan joq, - dep habarlaıdy Qamshy.kz RBK–ǵa silteme jasap. 

1990 jyldan beri Ulybrıtanıa úkimetiniń basshylyǵyna alǵash ret áıel keleıin dep otyr. Koservatıvtik partıa atynan qazirgi İshki ister mınstri Tereza Meı usynylsa, eldiń Eýropalyq Odaqtan shyǵýyn quptaýshylardyń biri Energetıka mınıstriniń orynbasary Andrea Lıdsom onyń basty básekelesi. Ázirshe saılaý aldy jarysta Tereza Meı oq boıy ozyq tur. Genderlik teńsizdik máselesimen uzaq ýaqyttan beri aınalysyp kele jatqan saıasatker İİM basshylyǵyna taǵaıyndalǵannan keıin mıgrasıalyq máselerdi sheshýge belsene atsalysypty.  Al Lıdsomnyń mamandyǵy saıasatker, jıyrma jyldan astam ýaqyt qarjy salasynda jumys istegen. Búginde Energetıka mınıstriniń orynbasary qyzmetin atqaratyn Lıdsom eldegi munaı-gaz salasyna jaýapty. 9 shildede «The Times»-qa bergen suhbatynda Lıdsom úsh balaly ana retinde balasyz Meıden óziniń baǵy basym ekenin aıtqan. «Balalar Ulybrıtanıanyń bolashaǵyna salynǵan úlken salym» degen Lıdsomdy Batys jýrnalıseri túrli daýly máselelerdiń ortasyndaǵy adam sanaıdy.

Dana Qamshybek